سه‌رۆك بارزانى: كه‌س هندى من هه‌ست ب بوشایا وه‌غه‌را مام جه‌لال ناكه‌ت
ئه‌ڤرۆ نیوز ، نه‌وزاد هلۆرى:
ده‌مه‌ك به‌ریا نها سه‌رۆكێ هه‌رێما كوردستانێ و سةرؤك كومارىَ عيراقىَ و سه‌رۆكىَ حكومه‌تا هه‌رێما كوردستانێ و چه‌ند كه‌ساتیه‌كێن دن یێن باكوورێ كوردستانێ سه‌ره‌دانا گوڕا مام جه‌لال تاله‌بانى كر و تاجه گول پێشكێشكرن و د كونگره‌یه‌كێ رۆژنامه‌ڤانى دا سه‌رۆك بارزانى دیاركر كو ئه‌و پتر ژ هه‌مووان هه‌ست ب بوشایى وةغةرا مام جه‌لال دكه‌ت.
مه‌سعود بارزانى سه‌رۆكێ هه‌رێما كوردستانێ پشتى كو تاجه گوله‌ك پێشكێشى گۆرا مام جه‌لال تاله‌بانى كرى د كونگره‌یه‌كێ رۆژنامه‌ڤانى دا دیاركر كو ژ ده‌ست دانا مام جه‌لال زیانه‌كا مه‌زن بو و ئه‌و پتر ژ هه‌ر كه‌سى هه‌ست ب بوشایا وةغةرا مام جه‌لال دكه‌ت و گۆت: ( ژ ده‌ستدانا مام جه‌لال تاله‌بانى خه‌مه‌كا مه‌زنه بو گه‌لێ كوردستانێ و پێدڤى یه وه‌كو مام جه‌لال ئه‌م ژى گرنگیێ ب برایه‌تى و پێكڤه‌ژیانێ بده‌ین داكو گیانێ مام جه‌لال و هه‌موو شه‌هیدان شاد ببیت)
زێده‌تر گۆت: (ب دانوستاندنان ئاریشه‌یێن دناڤبه‌را هه‌موو لایه‌نێن سیاسى و به‌غدا ژى چاره‌سه‌ر دبن ، و پێدڤى یه به‌غدا ژى وه‌غه‌را مام جه‌لال بكه‌ت ده‌رفه‌ت بو پێداچوون د سیاسه‌تا خوه دا ، و پێشتر من و مام جه‌لال ب دانوستاندن چاره‌سه‌ریا هه‌ر كاره‌كێ دكر و زور جاران ژى ب ئێك تلفوون مه چاره‌سه‌ریا هه‌ر ئاریشه‌یه‌كێ دكر ، و گرنگه ئه‌ڤرۆ وێڤه ئه‌م ژى مفاى ژ سه‌ربورێن بورى وه‌ربگرین و ب برایه‌تى چاره‌سه‌ریا هه‌ر تشتى بكه‌ین)
