سه‌رۆك بارزانى پێشوازيێ ل مه‌ليكه مه‌زان دكه‌ت
ئه‌ڤرۆنيوز:
سه‌رۆك بارزانى ئه‌ڤرۆ سێشه‌مبى 31 تيرمه‌ها 2018 پێشوازى ل نڤيسه‌ر وهه‌لبه‌ستڤانا ئه‌مازيغى مه‌ليكه مه‌زان كو به‌رده‌وام په‌سنا هێزێن پێشمه‌رگه‌ى دكه‌ت كر .
مه‌ليكه مه‌زان به‌رده‌وام ب رێيا تۆرێن جڤاكى وهه‌لبه‌ستێن خوه پشته‌ڤانيا گه‌لێ كوردستانێ دكه‌ت وپێشمه‌رگه‌ى ب سيمبۆلێ ئازاديخوازيێ ددانيت.
مه‌ليكه مه‌زان دديدارا خوه دا ل گه‌ل سه‌رۆك بارزانى، خوه‌شحاليا خوه دياركر وراگه‌هاند” ئه‌ڤه بۆ من شه‌ره‌فه‌كا مه‌زنه ل گه‌ل سه‌ركرده‌كێ مه‌زن يێ خه‌باتا رزگاريخوازا گه‌لان وسه‌رۆكه‌ك كو ل بێناڤى مرۆڤايه‌تيێ دا سه‌ركردايه‌تيا شه‌رێ دژى تيرۆرستان كريه روونشتم”.
مه‌ليكايێ پێزانين بۆ رۆل وقه‌هره‌مانيا پێشمه‌رگێ كوردستانێ وخوراگريا گه‌لێ كوردستانێ هه‌بوو ووه‌كو نموونه‌كا زيندى يا ئازاديخوازيێ ومرۆڤدۆستيێ پێناسا كوردستانێ كر.
سه‌رۆك بارزانى، زێده‌بارى ب خێرهاتنا وێ، رێز وپێزانين بۆ هه‌لويستێ مرۆڤانه وئازايانه ودۆستانه يێن مه‌ليكه مه‌زان نيشاندا بۆ وان نڤيسين وده‌ربرينێن وه‌كو به‌رگرى ژ گه‌لێ كوردستانێ به‌رچاڤكر وسوپاسيا وێ كر”.