سه‌رۆك بارزانی و بالیۆزێ ئه‌مریكا دووماهی پێشهاتێن ده‌ڤه‌رێ گه‌نگه‌شه‌كرن
ئه‌ڤرۆ نیوز:
سه‌رۆك مه‌سعود بارزانی ئه‌ڤرۆ ل گه‌ل ماتیۆ توولێر بالیۆزێ نوو یێ ئه‌مریكا ل عیراقێ دوپاتی ل باشبوونا په‌یوه‌ندیێن د ناڤبه‌را هه‌ولێر و به‌غدا دا كر كو دێ خزمه‌تا به‌رژه‌وه‌ندیا هه‌ردو ئالیان و دڤه‌رێ ب گشتی كه‌ت.
د دیداره‌كی دا، سه‌رۆك بارزانی پیرۆزباهی ل ده‌ست بكاربوونا بالیۆزێ نوو یێ ئه‌مریكا ل عیراقێ كر.
د هه‌مبه‌ر دا، بالیۆزێ نوو یێ ئه‌مریكا سوپاسی بۆ رۆلێ سه‌رۆك بارزانی بۆ ب ده‌ستڤه‌ئینانا سه‌قامگیری و چاره‌سه‌ركرنا كێشان و بهێزكرنا دوستایه‌تیا كوردستان و ئه‌مریكا دا هه‌بوو.
د پشكه‌كا دی یا دیدارێ دا، ره‌وشا سیاسی یا ده‌ڤه‌رێ و دووماهی پێشهات و پێشڤه‌چوونا پرۆسا سیاسی یا هه‌رێمێ گه‌نگه‌شه‌كر.
هه‌ر ئه‌ڤرۆ سه‌رۆك بارزانی پێشوازی ل مارتن جایگه‌ر وه‌زیرێ ده‌وله‌تێ بۆ هاریكاریا دارایی گه‌شه‌پێدانا كومارا ئه‌لمانیا فیدرال و شاندێ ل گه‌ل دا كر.
