سه‌رۆك كۆمارێ عيراقێ قانوونا حه‌شه‌د شه‌عبى په‌سه‌ند كر
ئه‌ڤرۆ نيوز:
د به‌ياننامه‌كێ دا نڤيسينگه‌ها سه‌رۆك كۆمارێ عيراقێ راگه‌هاند كو فوئاد مه‌عسوم قانوونا حه‌شه‌د شه‌عبى ئيمزا كر.
پشتى كو به‌رى ماوه‌كى جڤاتا نوونه‌رێن عيراقێ پرۆژێ قانوونا حه‌شه‌د شه‌عبى ب پتريا ده‌نگان ده‌رباز كرى، نه‌رازيبوونه‌كا زۆر يا سونان لێ كه‌فت، قانوون ره‌وانه‌ى سه‌رۆكاتيا كۆمارى كر بۆ په‌سه‌ندكرنێ.
ب گۆره‌ى دستوورێ عيراقێ هه‌ر قانوونه‌كا جڤاتا نوونه‌ران په‌سه‌ند بكه‌ت، دێ بۆ سه‌رۆكاتيا كۆمارى هێته ره‌وانه‌كرن بۆ په‌سه‌ندكرنێ و هه‌كه د ماوێ 15 رۆژان دا سه‌رۆكاتى په‌سه‌ند نه‌كه‌ت، ب گۆره‌ى دستوورى و قانوونێ ب په‌سه‌ند دهێته هژمارتن و كار پێ دهێته كرن.
قانوونا حه‌شه‌د شه‌عبى ل 26ى هه‌يڤا بۆرى ل جڤاتا نوونه‌رێن عيراقێ هاته په‌سه‌ندكرن دا كو ده‌سته‌يا حه‌شه‌د شه‌عبى كو ژ چه‌ند گرۆپه‌كان پێك هاتيه ژ هێزه‌كا ميليشيا بكه‌نه هێزه‌كا قانوونى و سه‌ر ب فه‌رمانده‌يا هێزێن چه‌كدارێن عيراقێ بيت.