سه‌رۆك وه‌زيرا بريتانيا: رۆسيا رێزێ ل مه ناگريت
ئه‌ڤرۆ نيوز:
تێریزا مه‌يی سه‌رۆك وه‌زیرا بریتانیا راگه‌هاند كو رۆسیا يا به‌رده‌وامه ژ بزاڤێن لاوازكرنا به‌رژه‌وه‌ندی و بوهایێن مه، پێویسته ئه‌م ژی روو ب رووێ وێ بزاڤێ ببین.
سه‌رۆك وه‌زیرا بریتانیا ده‌ما سازكرنا كۆنگره‌كێ رۆژنامه‌ڤانی یێ هه‌ڤپشك يێ تره‌مپ و پۆتین ل په‌رله‌مانێ وی وه‌لاتی پێشهاتێن وێ داویێ نرخاندن.
مه‌يی ئاشكه‌را ژی كر كو رووسیا د وان سالێن داویێ دا فرۆتنا چه‌كێن گران ب ئیرانێ زێده كریه و ده‌ستێ وی وه‌لاتی د ب كارئانینا چه‌كێن كیمیایی ل سووریێ دا هه‌بوویه و نها ژی به‌رده‌وامه ژ هێرشێن ئه‌لیكترۆنی ژبۆ گه‌هاندنا زيانا ب ئابوورێ مه.
سه‌رۆك وه‌زیرا بریتانیا ته‌كه‌ز ژی كر كو ئه‌و دخوازن د ده‌مه‌كێ درێژ دا تێكه‌لیێن باش ته‌ڤی رۆسیا گرێ بده‌ن.
ده‌رباره‌ى روونشتنا تره‌مپ و پۆتن ژى مه‌يی گۆت: “كه‌یفخوه‌شم ب جڤینا تره‌مپ و پوتن”.
