سه‌رۆك وه‌زيرێن ئوردن: نه‌شێين گۆچبه‌رێن زێده‌تر وه‌ربگرين
ئه‌ڤرۆ نيوز، فاتما مزوورى:
ب گۆره‌ى نووچه‌كێ ئاژانسا “بلۆمبرگ” سه‌رۆك وه‌زيرێ ئوردن عومه‌ر ره‌زاز د كۆنفرانسه‌كێ رۆژنامه‌ڤانى دا راگه‌هانديه كو ئوردن نه‌شێت چو كوچبه‌رێن دى وه‌ربگريت و دڤێت چاره‌سه‌ريا سياسى ژبۆ سوريا بهێته ديتن.
ژ لايه‌كێ دى ڤه، وه‌زيرێ ده‌رڤه يێ ئوردن ئه‌يمه‌ن سه‌فه‌دى ل سه‌ر هژمارا خوه يا تۆڕا جڤاكيا تويته‌رى نڤيسيه: سنورێن مه دێ ميننه گرتى و دڤێت نه‌ته‌وێن ئێكگرتى وان كۆچبه‌ران ل ناڤ وه‌لاتێ وان ب پارێزيت”.
ژ ده‌سپێكا كێشا سوريا و هه‌تا نوكه نێزيكى مليۆنه‌ك و 300 هزار كۆچبه‌رێن سوريا چووينه ئوردن، ژ به‌ر ئۆپه‌راسيۆنا له‌شكرێ سوريا ل سه‌ر پارێزگه‌ها درعا دهێته چاڤه‌رێكرن 45 هزار سوريێن دژى كۆچبه‌رى ئوردن ببن.
ئه‌ڤ هه‌لويستێ نوو يێ ئوردن يێ هه‌ڤده‌مه ل گه‌ل بزاڤا وه‌لاتێن ئورۆپى ژبۆ چاره‌كرنا كێشێن كۆچبه‌ران ل ئورۆپا.
