سه‌رۆك وه‌زيرێن هوله‌ندا به‌حسێ ڤه‌كرنا فرۆكخانێن كوردستانێ دكه‌ت
ئه‌ڤرۆنيوز:
سه‌رۆك وه‌زيرێن هوله‌ندا، ئه‌ڤرۆ ئه‌ينيێ 15/12/2017 راگه‌هاند، وى داخواز ژ سه‌رۆك وه‌زيرێن عيراقێ كريه كو ده‌رگه‌هێن فرۆكخانێن هه‌رێما كوردستانێ ل به‌رده‌م گه‌شتێن نێڤده‌وله‌تى ڤه‌كه‌ت.
مارك روته، سه‌رۆك وه‌زيرێن هوله‌ندا دچارچۆڤێ كۆنگره‌كێ رۆژنامه‌ڤانى كو ئه‌ڤرۆ ل كوپيتكا سه‌رۆكێن وه‌لاتێن ئێكه‌تيا ئورۆپى ل برۆكسلێ ئه‌نجامداى گۆت” د كۆنگرێ جيهانى ل دۆر سه‌قاى كو به‌رى چه‌ند رۆژان ل فه‌ره‌نسا هاتيه گرێدان، من وحه‌يده‌ر عه‌بادى سه‌رۆك وه‌زيرێن عيراقێ به‌حسێ شه‌رێ دژى داعشێ كر ودانوستاندنا مه يا راشكاوانه بوو ل دۆر وى بابه‌تى”.
دياكر ژى” ژپرسێن دى يێن من به‌حس ل سه‌ر كرى ل گه‌ل عه‌بادى، پێدڤيا راكرنا دۆرپێچا ل سه‌ر گه‌شتێن نێڤده‌وله‌تى هه‌ى ژ فرۆكخانێن هه‌رێما كوردستانێ وژبۆ وان فرۆكخانان، تاكو بشێين وان فرۆكخانان بكاربينين بۆ گه‌هاندنا هاريكاريێن له‌شكرى”.
زێده‌تر گۆت” ب راستى ئه‌ز نه‌شێم بێژم كا به‌رسڤا عه‌بادى چ بوو، به‌لێ بزاڤێن مه دبه‌رده‌وامن بۆ ڤه‌كرنا فرۆكخانێن هه‌رێما كوردستانێ، ب تايبه‌تى فرۆكخانا هه‌ولێرێ، ل به‌رده‌م گه‌شتێن نێڤده‌وله‌تى”.
