سه‌رۆك وه‌زیرێن عێراقێ سوز دایه شایستێن جوتیارێن كورد یێن سالێن 2014_2015_2016 مه‌زێخیت
ئه‌ڤرۆ نیوز، بارزان مزوورى:
د. مەیاده نه‌جار ئه‌نداما لیژنا ئابوورى و وەبه‌رهێنانێ ل په‌رله‌مانێ عێراقێ بۆ ئه‌ڤرۆ نیوز گۆت: (ل رۆژا دوشه‌مبیا بورى 22/6/2020 مه كومبوونه‌ك هه‌بوو ل گه‌ل سه‌رۆك وه‌زیرێن عێراقێ “مسته‌فا كازمى” د وێ كومبوونێ دا نڤیساره‌كا فه‌رمى پێشكێشى مسته‌فا كازمى كر د وێ نڤیسارێ دا داخواز لێ كر كو پارێ جوتیارێن هه‌رێما كوردستانێ یێن سالێن 2014_2015_2016 مه‌زێخیتن من گوته سه‌رۆك وه‌زیرێن عێراقێ ل هولا كومبوونێ ده‌رناكه‌ڤم هه‌تا سوزه‌كێ بده‌یه مه كو پارێ وان بهێت مه‌زاختن ژ به‌ر كو جوتیار نه سیاسى و نه حزبینه به‌لكو كه‌سێن ئاساى یێن هه‌رێما كوردستانێ نه پارێ وان جوتیاران ل وه‌زاره‌تا داراى یا عێراقێ مه‌زاختیه بۆ وه‌زاره‌تا بازرگانى به‌لێ ب بریاره‌كا سیاسى یێن هاتین راگرتن، ژلایێ خوە ڤه سه‌روك وه‌زیرێن عێراقێ ئه‌و نڤیسار وه‌رگرت سۆز دا كو ب زوترین وه‌خت پارێ وان بهێت مه‌زاختن).
ناڤهاتیێ خوەیا ژی كر حكومه‌تا به‌غدا ب كۆژمێ 557 ملیار دینارا قه‌ردارێ جوتیاراکه یێن وان هه‌ر سێ سالێن 2014_2015_2016، ئه‌و كوژمێ پاره‌ى مه‌زاختیه به‌لێ ل وه‌زاره‌تا بازرگانى ب بریاره‌كا سیاسى هاتیه راوه‌ستاندن.
