سه‌فین دزه‌یى: حوكمه‌ت دێ هاريكار بيت بۆ ڤه‌گه‌راندنا ته‌رمێن قوربانيێن ئيجه
ئه‌ڤرۆنيوز:
په‌يڤدارێ حوكمه‌تا هه‌رێما كوردستانێ، سه‌فين دزه‌يى، ل دۆر وان وه‌لاتيێن هه‌رێمێ ئه‌وێن به‌رى چه‌ند رۆژان ل ده‌ريا ئيجه خه‌ندقين، راگه‌هاند حوكمه‌تا هه‌رێما كوردستانێ هه‌ر ل ده‌مێ روودانێ ب هوورى دووڤچوون بۆ كريه.
سه‌فين دزه‌يى سه‌ره‌خوه‌شى وهه‌ڤخه‌مى وهه‌ڤسۆزيا حوكمه‌تا هه‌رێمێ ل گه‌ل مالبات وكه‌سوكارێن قوربانيان ده‌ربرى.
دياركر ژى كو حوكمه‌تا هه‌رێما كوردستانێ به‌رده‌وام ل گه‌ل لايه‌نێن به‌رپرس ل توركيا دپه‌يوه‌نديێ دايه وهه‌موو بزاڤان دێ كه‌ت ودێ هاريكار بيت بۆ ڤه‌گه‌راندنا ته‌رمێن قوربانيان بۆ هه‌رێما كوردستانێ.
