سه‌ليم جبور يێ ل په‌رله‌مانێ كوردستانێ
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ سپێدێ سه‌رۆكێ جڤاتا نوونه‌رێن عيراقێ سه‌ليم جبوره ب رێيا فرۆكخانا هه‌ولێر گه‌شته باژێرێ هه‌ولێر و ل گه‌ل سه‌رۆكێ په‌رله‌مانێ كوردستانێ كۆمببوو و بڕياره ل گه‌ل هه‌ر ئێك ژ سه‌رۆكێ وه‌زيران و سه‌رۆكێ هه‌رێما كوردستانێ ژى كۆم ببيت.
سه‌ليم جبورى ئه‌ڤه ژ ماوێ ده‌ست بكاربوونا وى وه‌كو سه‌رۆكێ جڤاتا نوونه‌رێن عيراقێ بۆ جارا دويێ يه سه‌ره‌دانا هه‌رێما كوردستانێ دكه‌ت.
ژێده‌رێن ده‌نگوباسان ئاماژێ ب وێ چه‌ندێ دكه‌ن كو بڕياره ل گه‌ل سه‌رۆكێ په‌رله‌مانێ كوردستانێ و سه‌رۆكێن فراكسيۆنێن ناڤا په‌رله‌مانى و سه‌رۆك وه‌زيرێن هه‌رێمێ و سه‌رۆكێ هه‌رێمێ كۆمبيت.
وه‌كو هاتيه زانين مه‌ره‌م ژ هاتنا سه‌رۆكێ جڤاتا نوونه‌رێن عيراقێ ژبوو به‌حسكرنا ره‌وشا ئاوارا و چه‌ند پرسێن ئێمناهيێ يه و دبيت به‌حس ل ڤه‌گه‌ريانا وه‌زيرێن كورد ژى بۆ عيراقێ بهێته كرن ب تايبه‌ت ل ده‌مێ كۆمبوونا وى ل گه‌ل سه‌رۆك وه‌زيران و سه‌رۆكێ هه‌رێمێ.
