سهمیانێن قوتابیان ددهمێ تاقكیرنان دا پێدڤیه چ بكهن؟
دهوك، دلدار محهمهد :
ئهڤ چهند رۆژه، بۆ كهرتێ پهروهردێ ب گشتی د تایبهتن، بهلێ بۆ قوتابیان تایبهتترن ، چونكی رۆژێن چارهنڤیسسازن و ب تاقیكرنان ژی رهنجا ههموو سالێ ئاشكرا دبیتن، ڤێجا چو بهرههم ئهرێنی بیت یان ژی نهرێنی.
بهلێ ئهڤه وێ ناگهههینیتن كو ئهڤ باره بتنێ ل سهر ملێن قوتابی بیتن، بهلكو دڤێت كهسێن دهوروبهرێن وی ژی پشكهكا ڤێ بهررپسیاریێ ههلبگرن، ژوان ژی سهمیانێن قوتابیان نه، رهنگه تۆیێ خواندهڤان پرسیار بكهی، مادێ ئهركێ سهمیانی چو بیت، تاقیكرن پرۆسهیا خواندنێ و خوه وهستاندنێ یه و ئهڤه ل سهر قوتابی دمینیتن، بهلێ راستی ب لێبورین ڤه ئهڤه نه دیتنهكا كهڤناره و نهیا دجهێ خوهدا یه، ب دیتنا سهردهمیانه دا ئهركێ سهمیانییه د سهركهفتنێ دا ژ یێ قوتابی كێمتر نهبیتن، ههكه پتر نهبیت، و ب كورتی یا پێدڤی ل سهر سهمیانێن قوتابیان ئهنجامبدهتن ئهڤ ئهركێن ل خوارێ نه..
- دابینكرنا كهش و ههوایهكێ بێدهنگ و ئارام ویێ خواندنێ د مالێ دا.
- كێمكرنا سهرهدانان و كێم پێشوازیكرنا مێهڤانان ل مالێ، ئانكو ل دووڤ شیانان ههموو ئالیهك بهێته ئاگههدار گرن، كو وهرزێ تاقیكرنایه.
- چاڤدێریكرنا قوتابی و زانینا دهمێن خواندنێ ل گهل وی و دهركهفتن و مژوولبوونا وی، ههكه هات و ئهو ههست ب بهرپرسیاریێ نهكهت.
- بزاڤكرن بۆ شرۆڤهكرنا هندهك بابهت و پرسیارێن ئالۆز ههكه پێدڤی بوون.
- پرسیار كرنا رهوشا قوتابی یا دهرونی یا بهردهوام بیتن، دهستنیشانكرنا پێدڤیێن وی و بزاڤكرنا بۆ دابینكرنا وان پێدڤیان.
- پشتهڤانیكران و پالدانا وی وگهشبینكرنا قوتابی، بهلێ گهشبینی ل ئاستهكێ نهبیت كو ببیته خۆ خوهپاندن و ئهگهرێ تهمبهلیێ و پهیداكرنا وێ.
- بهردهوام وێ ههستێ بۆ وی یان وێ پهیدا بكهت، كو تۆ و خواندنا ته بۆ مه ژگرنگترین ئارمانجایه دڤی دهمی دا.
دهیك و باب یان ههر سهمیانهكێ دیتر یێ قوتابی، ههكه ئهڤه ئهركه ههموو یان رێژا پتر یا ڤان ئهركان بجهئینان دێ رێیا سهركهفتنێ بۆ قوتابیان ب سناهیتر لێكهت و بهرۆژڤاژی دێ قوتابی درێیهكا ب چهپ وچیر دا بهر ب سهركهفتنێ دهته ڕێ، رهنگه ژی ئهنجام ژی ڤهمان و ئالۆزی پهیدا ببن، یان ههكه سهركهفت ژی دێ قوتابی خوه بینیتن سهركهفتیهكێ بتنێ، و ب مخابنی ڤه رێژا پتریا قوتابیان مه نه بهس دتاقیكرنان دا بتنێ نه، بهلكو سالا خواندنێ ههموو دبوریتن هندهك سهمیان ههر نزانن قوتابیێ وان ل كیژ رێزا خواندنێ یه، ئهڤه ژی وه دكهت قوتابی خوه ببینیت یێ پشتگۆه هاڤێتی و پتریا وان خواندنێ ژی وهكی خوه پشتگۆه دهاڤێژن و دهستان ژێ بهرددهن.