سكرتێرێ جڤاتا وەزیرێن هەرێمێ: سیستەمـێ ئەسیكۆدا دێ ئاسانكاریان بۆ دابینكرنا مووچەیێ فەرمانبەران كەت
دهۆك، دلۆڤان ئاكرەیی:
سكرتێرێ جڤاتا وەزیرێن هەرێما كوردستانێ دیاركر، ژبەر نەبوونا سیستەمێ ئەسیكۆدا، داهاتێ دەرگەهێن سنۆری یێن هەرێما كوردستانێ ب ڕێژەیا 78% كێمبوویە و دبێژیت: حوكمەتا هەرێما كوردستانێ بزاڤان بۆ بجهئینانا سیستەمێ ئەسیكۆدا ل دەرگەهێن سنۆری یێن هەرێما كوردستانێ دكەت.
دكتۆر ئامانج ڕەحیم، سكرتێرێ جڤاتا وەزیرێن هەرێما كوردستانێ بۆ رۆژنامەیا ئەڤرۆ گۆت: «مە یاداشتەكا دەستووری، یاسایی و دارایی پێشكێش كریە و پێشكەفتنەكا بەرچاڤ هەیە، ئەوا مای ب تنێ میكانیزما پشككرنا داهاتێ دەرگەهێن سنۆری یە، ڤی داكەفتنێ ژی شیانێن هەرێمێ بۆ بجهئینانا پێگیربوونێن وێ یێن دارایی سنۆردار كرینە»ز
گۆت ژی: «سیستەمێ ئەسیكۆدا دێ هاریكار بیت، بۆ ڤەگەڕاندنا داهاتێن نە نەفتی، ئاسانكاری بۆ دابینكرنا مووچەیێ فەرمانبەران، ڤەكرنا بازارێ ئیراقێ هەمبەر دەرگەهێن سنۆری یێن هەرێمێ و ئێكسخستنا پێناس و ڕێكارێن گۆمرگی، كو نوكە جودانە».
