سه‌نته‌رێ فه‌له‌كناسی یێ نێڤده‌وله‌تی ئێكه‌م رۆژا جه‌ژنا قوربانێ دیاركر
ئەڤرۆ نیوز ، زنار تۆڤی:
سه‌نته‌رێ فه‌له‌كناسی یێ نێڤده‌ولە‌تی كو باره‌گایێ سه‌ره‌كی ل ئه‌بوزه‌بی یە ل ئیمارات، به‌یاننامه‌ک ده‌ركریه و تێدا ئێكه‌م رۆژا جه‌ژنا قوربانێ دیاركریە.
ئەو سه‌نته‌ره ئاماژێ ب هندێ ددەت، کو رۆژا ئێكشه‌مبی تەمامکەرا هەیڤا زو ئه‌لقه‌عیده یە و رۆژا دوشه‌مبی 13 تەباخێ، دێ بیتە ئێکه‌م رۆژا هەیڤا زی ئه‌لحیجه.
هەروەسا گۆتیە: لدووڤ راوەستیانا حەجیان ل چیایێ عەرەفە، کو دكه‌ڤیته سێشه‌مبێ 21 تەباخێ، رۆژا چارشه‌مبی 22 تەباخێ دێ بیتە ئێكه‌مین رۆژا جه‌ژنا قوربانێ.
لدووڤ رۆژ ژمێرا ئیسلامى دڤێت جه‌ژنا قوربانێ ل 10 هەیڤا زی ئەلحیجه دا بیت، کو لدووڤ رۆژ ژمێرا زایینى د ئەڤ سالەدا دکەڤیتە 22 هەیڤا تەباخێ.
