سوباهى ل به‌لجيكا هه‌لبژارتنن ويێ ده‌نگى نه‌ده‌ت ب 300 يورۆيان دێ هێته سزادان
ئه‌ڤرۆنيوز:
سوباهى ئێكشه‌مبى 14/5/2018 هه‌لبژارتنێن باژێرڤانيانه ل وه‌لاتێ به‌لجيكا، نوونه‌رێ حوكمه‌تا هه‌رێما كوردستانێ ل ئێكه‌تيا ئورۆپى بۆ ئه‌ڤرۆنيوز دياركر هه‌ر وه‌لاتيه‌كێ مافێ ده‌نگدانێ هه‌بيت ونه‌چيت ده‌نگدانێ دێ ب گۆژمه‌كێ پاره‌ى هێته سزادان.
دلاوه‌ر ئاژگه‌يى، نوونه‌رێ حوكمه‌تا هه‌رێما كوردستانێ ل ئێكه‌تيا ئورۆپى كو باره‌گايێ وێ ل برۆكسل پايته‌ختا به‌لجيكا بۆ ئه‌ڤرۆنيوز گۆت” سوباهى هه‌لبژارتنێن باژێرڤانيانه ل به‌لجيكا وهه‌ر وه‌لاتيه‌كێ مافێ ده‌نگدانێ هه‌بيت ونه‌چيته ده‌نگدانێ ب 300 يورۆيان دێ هێته سزادان”.
گۆت ژى” ل باژێرڤانيا ئه‌ز لێ سزايێ نه‌چوونا ده‌نگدانێ 250 يورۆ نه”.
ژلايێ خوه‌ڤه ئه‌يهان زاخۆيى ژ سويسرا بۆ ئه‌ڤرۆنيوز گۆت” سزايێ نه‌چوونا ده‌نگدانێ ل سويسرا يێ هه‌ى، به‌لێ گۆژمێ سزايێ ل كانتۆنه‌كا سويسرى بۆ ئێكا دى جوداهى يا هه‌ى”.
گۆت ژى”ل بێرن پايته‌ختا سويسرا سزايێ نه‌چوونا ده‌نگدانێ دهه‌لبژارتنان دا دگه‌هيته هزار دۆلاران”.
