سوباھی ل یاریگەھا خوە زاخۆ دێ یاریەکا چارەنڤێسی ھەمبەری ھەولێرێ کەت
ئەڤرۆ نیوز،ھەژار مەعروف:
فوتو، قەیس وەیسی:
بریارە سوباھی پێنج یاریێن گرنگ ژ خولا عیراقێ یا پلا نایاب بھێنەکرن کو ھەمی یاریا گرنگیا خوە ھەیە بۆ ھەڤرکیا پاشڤەزفرینی و دەربازبوونا خولا بژارە و ھەردو یانێن زاخۆ و ھەولێر د یاریا دێربیا کوردستانێ دا دێ ھە مبەری ئێک بەن بریارە ئەڤ یاریا دەمژمێر ٢:٣٠ پشتی نیڤرو بھێتەکرن کو ئەڤ یاریە دێ یاریەکا چارەنڤێسی بیت بۆ ھەردو یانا.
سەرپەرشتێ تیما تەپا پێ یا زاخۆ تەھا عەبدولحکیم د داخویانیەکێ دا بۆ ئەڤرۆ نیوز دیارکر ئەوانا بەرھەڤیەکا باش کریە بوو ڤێ یاریێ و ب سەرکەفتنا سوباھی ل سەر ھەولێرێ دێ پێنگاڤەکا مەزن ھاڤێژین بۆ دەربازبوونێ بۆ قوناغا بژارە ئەوان باوەریەکا مەزن ب تیما خوە ھەیە دێ شێن ئەنجامەکێ باش د یاریا سوباھی دا تومارکەن.
ناڤبری دیارکر ژی چو کێماسی ل پێکھاتیێ تیما ئەوان دا نینە ھەمی یاریکەر د بەرھەڤن بۆ یاریێ .
ژلایەکی دیڤە بریارە سوباھی چار یاریێن دی یێن گرنگ بھێنەکرن کو نەجەف پشتی دو یاریان ل دیڤ ئێک ل ھەرێما کوردستانێ توشی خوسارەتیێ بووی ل گەل ھەولێر و زاخۆ دێ یاریا خوە یا ڤێ حەفیێ ل یاریگەھا خوە کەت دەمێ مێڤانداریا بەغدا کەت و ئەڤ یاریە ژی دێ گرنگیا خوە ھەبیت بۆ دەبازبوونێ ھەردیسان شورتە ئەوا ھەڤرکیا دەربازبوونێ کەت دێ مێڤانداریا کەربەلا کەت و سیناعە بۆ پاراستنا خوە دناڤ خولێ دا دێ مێڤانداریا یانا مینا کەت ئەوا ژلایێ خوڤە ھەڤرکیا دەربازبوونا خولا بژارە کەت و ل یاریگەھا خوە سەرکێشا خولێ یانا جەویە ئەوا دەربازبوونا خوە مسوگەر کری دێ مێڤانداریا یانا حدود کەت کو تیما حدود پێدڤی ب سەرکەفتنێ یە داکو ژی مەترسیا داکەفتنێ قورتال بیت.
