سوبه دیمه‌نه‌كێ كێم وێنه ژ هه‌وه نه‌چیت
ئه‌ڤرۆ نیوز: ڤه‌ده‌ر ره‌شاڤایی:
هه‌كه‌ر هاتو سوبه 20 ئادارێ سه‌قایێ هه‌رێما كوردستانێ ساهی بیت، دیمه‌نه‌كێ كێم وێنه كو ژ ده‌هـ سالان پتر جاره‌كێ په‌یدا دبیت دێ هێته دیتن.
دهێته چاڤه‌رێكرن سوبه ل ئه‌سمانێ باژێرێ دهۆكێ ل ده‌مژمێر 11:34 خوله‌ك ل سپێدێ رۆژگیران (رۆژ غه‌یرین) ده‌ست پێكبه‌ت و ده‌مژمێره‌ك و 28 خوله‌كان ڤه‌كێشیت، ل ده‌مژمێر 12:18 دێ بهێزی هێته دیتن و ل ده‌مژمێر 1:02 دێ ئه‌ڤ دیارده بداوی هێت.
مالپه‌رێ فه‌له‌كناسیا (Panchang) دیاردكه‌ت كو : هه‌رچه‌نده رۆژغه‌یرینا ڤێ جارێ دێ یا تمام بیت لێ ل هه‌رێما كوردستانێ بتنێ دێ ب پارچه‌یی هێته دیتن و گه‌له‌كا بهێز نابیت هه‌كه‌ر بهێته هه‌ڤبه‌ر كرن دگه‌ل ناوچێن باكۆرێ ئه‌ورۆپا.
ئه‌ڤ دیارده په‌یدا دبیت ده‌مێ ل ئه‌ردی وه‌سا دهێته دیتن كو رۆژ بته‌مامی دهێته نخاڤتن لبن سیبه‌را هه‌یڤێ.
