سوبه عه‌بادى ل دۆر پارێ هه‌رێمێ دێ بریاره‌كێ ده‌ت
ئه‌ڤرۆ نیوز:
سوبه جڤاتا وه‌زیرێن عیراقێ د كومبوونا خوه یا ئاسایى دا دێ به‌حسێ رێككه‌فتنا د ناڤبه‌را هه‌رێم و حكومه‌تا عیراقێ كه‌ت و بریاره‌كێ ل دۆر پارێ هه‌رێمێ یێ نه‌هاتیه هنارتن، دێ بریاره‌كێ ده‌ت.
عادل عه‌بدولمه‌هدى وه‌زیرێ نه‌فتا عیراقێ د سه‌ره‌دانا خوه‌دا بۆ هه‌رێمێ دانپێدان ب وێ یه‌كێ كر كو شاشیه‌ك د هژمارتن و فروتنا نه‌فتا هنارتى یا هه‌رێمێ دا یا هه‌ى و ئه‌گه‌ر هه‌یه كو كوژمه‌كێ دى یێ پاره‌ى بۆ هه‌رێمێ بهێته هنارتن.
هه‌ر ئه‌ڤرۆ سه‌فین دزه‌یى په‌یڤدارێ حكومه‌تا هه‌رێما كوردستانێ راگه‌هاند كو ئه‌و هیڤیخوازن سبه د كومبوونا حكومه‌تا عیراقێ دا به‌حسێ كێشا پشكا هه‌رێمێ ژ بودجێ سالا 2015 بهێته كرن و بودجا هه‌رێمێ بهێته دابینكرن.
