سوبەهی دێ ته‌رمێن وان گەهنە کوردستانێ
ئەڤرۆ نیوز ، زنار تۆڤی:
پشتی کو چەندین وەلاتیێن کورد دڤیان ب رێیا دەریا ئیجەدا بچنە ئوڕۆپا لێ بەلەما وان د دەریا ئیجەدا بن ئاڤ دبیت و پرانیا وان خەندقینە و تەرمێن وان ژی ژ دەریایێ ئیناینەدەر، هەروەسا بریاره سوبەهی شەمبیێ 13.10.2018 ته‌رمێن وان هەموو كۆچبه‌رێن كورد ئه‌وێن د ده‌ریا ئیجه دا خه‌ندقین، بۆ هه‌رێما كوردستانێ بهێنە هنارتن و دێ تەرمێن وان گەهنە باژێرێ زاخۆ.
وەکو دیار 35 كۆچبه‌ر د به‌له‌مێ دابوون، کو 19 ژ وان كوردێن هه‌رێما كوردستانێ بوون و خه‌لكێ باژێرێ زاخۆ و دهۆكێ بوون.
لدووڤ ژێدەرێن میدیایی هەتا نوکە ته‌رمێن 14 ژ وان هاتینه دیتن كو یێن دو خێزانانه، هێشتا لێگه‌ریان ل یێن مایی ژی یا به‌رده‌وامه، کو ژنه‌ك ژی خه‌لكا زاخۆ یه کو ماوەکێ درێژ مایە د ئاڤێدا و رزگاربوویه، ئەو ژن شیایه بۆ ماوێ 28 ده‌مژمێران ب مه‌له‌ڤان د ده‌ریا ئیجه دا خوە رزگار بکەت.
