سوبەهی هەردوو کەنالێن کوردستان تیڤی و زاگروس دێ بنە HD
ئەڤرۆ نیوز ، نەوزاد هلوری:
بریارە ئەڤرو هەردوو کەنالێن زاگروس و کوردستان تیڤی ژ پەخشێ خوە ب راوەستن و سوبەهی ل گەل هەلاتنا روژێ ب کوالێتیا HD دەست ب پەخش و بەرنامەیێن خوەیێن نوو بکەن.
دڤی واریدا کاروان ئاکرەیی رێڤەبەرێ کەنالێ کوردستا تیڤی بو ئەڤرو نیوز گۆت: (ب مەرەما پێشئێخستنا کوالێتی و دانانا ستافەکێ نویێ کاری و بەرنامەیان ئەڤرو بو دەمەکێ بەروەخت هەردوو کەنالێن زاگروس و کوردستان تیڤی دێ ژ وەشانێن پەخشێ خوە راوەستن و سوبەهی ل گەل هەلاتنا روژێ ل دەمژمێر 5:30 جارەک دن دەست ب پەخشێ خوەیێ نو ب کوالێیا HD کەت ڤە)
زێدەتر گۆت: (هەتاکو ریفراندوم دوماهیک دهێت دێ کێم گورانکاری هێنەکرن و هەمان بەرنامە دێ هەبن و هەردوو ژی دێ لسەر ئێک پەخش بەردەوام بن و ئارمانج سەرئێخستنا پروسەیا ریڤراندۆمێ ی ، بەلێ هەردەما ریفراندوم داوی هات جارەک دن هەردوو کەنال دێ لێکڤە بن ڤە و هەر ئێک ل گۆرەی سیاسەت و بەرنامێن خوە یێن نوو دەست پێ کەت)