سوبەھی ئەڤ جەژنە دێ ل کەلەک ھێتە ئەنجامدان
ئەڤرو نیوز ، نەوزاد زادە ھلۆری:
ب مەرەما ب رێڤەبرنا جەژنا ” ئاڤ ھەلکێشانا زێرین ” وەسا بریارە سوبەھی سائیب و مەندانیێن عیراقێ جەژنا خوە ل سەر رووبارێ زێ یی مەزن ل سنوورێ ناحیا کەلەک ھێتە ئەنجامدان.
مەریوان نەقشەبەندی بەرپرسێ ئاین و پێکڤەژیانێ ل وەزارەتا ئەوقاف و کاروبارێن ئاینی بۆ ئەڤرو نیوز گۆت: (ب مەرەما ئەنجامدانا جەژنا سایب و مەندانیان وەسا بریارە سوبەھی ” جەژنا ئاڤ ھەلکێشانا زێرین” ل سەر رووبارێ زێی مەزن ل سنوورێ ناحیا کەلەک بھێتە ئەنجام دان)
زێدەتر گۆت: (بەریا نھا ئەڤ جەژنە ل عیراقێ دھاتە ئەنجامدان ، بەلێ ژبەر تێکچوونا رەوشا سیاسی و ئێمناھیا عیراقێ بۆ ھەرێما کوردستانێ ھاتیە ڤەگوھاستن)
وەکو نەریتەکێ سالانە سائیب و مەندانیێن عیراقێ کو ئێکە ژ تەریقەتێن ئاینی ھەر سال ل روژا ١٩ ئایارێ جەژنا ناڤبری د چەند رێورسمەکان دا ئەنجام ددەن.
