سوبە قوناغا ئێکێ ژ رێیا رووڤیا بۆ گۆپال دێ هێتە ڤەکرن

ئه‌ڤرۆ نيوز: ره‌وان نهێلى:
پرۆژێ دروستكرنا جوتسايدكرنا رێيا رووڤيا بۆ گۆپال كو رێيه‌كا ستراتيژى يا د ناڤبه‌را پارێزگه‌ها دهۆك و هه‌ولێرێ دا دايه‌ و ژ ئاليێ كۆمپانيا كاڤين گرۆپ ڤه‌ دهێته‌ بجهئينان و نوكه‌ ب رێژا 57% ب دووماهى هاتيه‌، بڕیارە سوبەهی 5 كم رێيێ بهێنه‌ ڤه‌كرن، ژێدەرەکێ ل پارێزگەها دهۆک بۆ ئەڤرۆ نیوز راگەهاند بڕیارە سوبەهی ب بەرهەڤبوونا فەرهاد ئەترووشی پارێزگەرێ دهوکێ 5 کم رێیێ ل دەستپێکا رووڤیا بهێنە ڤەکرن.
پرۆژێ‌ رێیا جوتسایدكرنا رووڤیا بۆ گۆپال 22 كم رێكێ‌ یێن سەرەکی نه‌ و 15 کم بەروەختن کو بەرێ سێ هەیڤان رێیا بەروەخت ل هەمبەر شۆفێران هاتیە ڤەکرن، نوكه‌ پرۆژە ب رێژا 57% ب دووماهی هاتینه‌ و 35% رێ هاتيه‌ قێركرن و ل دوماهيا ئه‌ڤ ساله‌ دێ پرۆژه‌ ب دووماهى هێت ل سه‌ر دو قاتێن قێرى و قاتێ سيێ دێ بۆ سالا بهێت بيت.
پرۆژێ‌ رێیا جوتسایدكرنا رێیا رووڤیا بۆ گۆپال كو ب گوپال به‌رنیاسه‌، ل 25/9/2018 ب به‌رهه‌ڤبوونا نێچیرڤان بارزانی سه‌رۆكێ‌ حوكمه‌تا هه‌رێما كوردستانێ‌ به‌رێ‌ بنیاتی بۆ هاتیه‌ دانان ژ ئالیێ‌ كومپانیا كاڤین كرۆپ ڤه‌ دهێته‌ جێبه‌جێكرن كو ژ 7 ئوڤه‌رپاسان پێكدهێت و هه‌ردو پارێزگه‌هێن هه‌ولێر و دهۆك پێكڤه‌ گرێدده‌ت.

کۆمێنتا تە