سوبە مەزنترین مەراسیم بۆ ئەنفالان دێ ل دھۆکێ ھێـتەکرن
ئه‌ڤرۆ نيوز:
چالاکڤانەکێ جڤاکێ مەدەنی دیار کر کو وەک وەفاداری بۆ کارەساتا ئەنفالان ژڤان بوو 14 ڤێ ھەیڤێ ئەڤ بیرھاتنە ب ڤێ چالاکیێ ھاتبا ساخکرن، لێ ژ بەر سەقای ھاتیە پاشخستن و ژڤانە سوبە رۆژا سێشەمبی و دەمژمێر چاری ئێڤاری ئەڤ مەراسوونە دەست پێ بکەت.
ھێرش رەشید چالاکڤانێ جڤاکێ مەدەنی و بەرپرسێ رێکخراوا مەند بۆ یەکسانیێ بۆ رۆژناما ئەڤرۆ دیار کر کو ژڤانە سوباھی رۆژا سێشەمبی و ب ھەلکەفتا رۆژا ئەنفالێن رەش کو ژڤان بوو 14 ڤێ ھەیڤێ ھاتبا بەستن، لێ ژ بەر سەقای بۆ رۆژا سێشەمبی ھاتیە پاشخستن مەزنترین مەراسیما غاردانێ بۆ گەنجان دەست پێ بکەت و ھەموو گەنج دئازادن پشکداریێ تێدا بکەن.
ھێرشی ئاشکرا کر ژی کو ئەڤ بەرنامێ تایبەت بڤێ ھەلکەفتێ ھاتیە رێکخستن ژلایێ رێکخراوا مەند بۆ یەکسانیێ ل گەل رێکخراوا کوردس و پەیمانگەھا وەرزشی و سەرۆکاتیا زانکۆیا دھۆکێ و رێکخراوا یونسێف دێ مەزنترین مەراسیم بڤێ ھەلکەفتێ ل سەر ئاستێ پارێزگەھا دھۆکێ دێ ھێتە ئەنجامدان و ئەو ژی ب رێ پیڤانەکا چوونێ کو ھەژمارەکا مەزن یا گەنجان دێ تێدا پشکداربن و دێ دەست پێ کەت ژ سەر سکرێ دھۆک بۆ بەر دەرگەھێ جڤاتا پارێزگەھا دھۆکێ و ئەڤە دێ ل دەمژمێر چاری ئێڤاری بیت و داخاز ژ ھەموو گەنجان دکەین پشکداربن.
ل دووماھیێ ناڤبری گۆت “دووماھیێ ھەر دەە سەرکەفتیێن ئێکێ دێ ھێنە خەلاتکرن و ئەڤە بزاڤە وەک پشتەڤانیە بۆ گەنجێن وەرزشڤان”.
