سپۆتنیک : ئەمریکا و ئیران ژ سەرکەفتنا لیستا موقتەدا سەدری دلگرانن
ئەڤرۆ نیوز ، زنار تۆڤی :
ئاژانسەکا رۆسی ئاشکرا کریە کو ھەردو وەلاتێن ئیران و ئەمریکا ژ سەرکەفتنا لیستا سائیرون یا موقتەدا سەدری د ھەلبژارتنێن عێراقێ دا دلگرانن ، رەنگە ئەڤ چەندە ببیتە ئەگەرێ دوورخستنا سەدری ژ پێکئینانا حکومەتا نوو ل عێراقێ.
ئاژانسا سپوتنیک یا رۆسی د راپۆرتەکێ دا ئاشکرا کریه ،کو ژبەر دلگرانیا ئەمریکا و ئیرانێ ژ موقتەدا سەدری، دوور نینە ھەردو وەلات بزاڤان بکەن لیستا سائیروون ژ پێکئینانا حکومەتا نوو یا عێراقێ دوور بکەن.
لیستا سائیرون یا موقتەدا سەدری 54 کورسیێن پەرلەمانێ عێراڤێ ب دەستڤە ئیناینە و سەرکەفتیا ئێکێ یە د ھەلبژارتنێن ڤێ جارێ یێن پەرلەمانێ عێراقێ دا،ئەڤە ژلایەکێ ڤە و ژ لایەکێ دیتر ڤە هەر ژ هاتنا ئەمریکا بۆ عێراقێ سەدر ل دژی هێزێن ئەمریکا راوەستیا یە ل عێراقێ ، د هەمان دەمدا سەدر ل دژی ھەژموونا ئیرانێ و دەستوەردانێن وێ یە د کاروبارێن ناڤخوە یێن عێراقێ دا ، سەدری چەندین جاران د گۆتارێن خوە دا بەحسێ مەترسی و هەژموونا ئیرانێ ل سەر عێراقێ کریە و وی نەڤێت ئیران ل عێراقێ یا بالا دەست بیت.
