سڤكاتیێ ب هه‌رێمێ دكه‌ت و كه‌س و كارێن وێ ل زاخۆنه
ئه‌ڤرۆ نیۆز، قائید میرۆ
ئه‌شواق جاف، په‌رله‌مانتارا پارتی دیموكراتی كوردستان ل به‌غدا بۆ ئه‌ڤرۆ نیۆز راگه‌هاند، د كۆمبوونا ئه‌ڤرۆیا په‌رله‌مانێ عێراقێ دا په‌رله‌مانتاره‌كا توركومان ئێرشی سه‌ر پێشمه‌رگه و سه‌رۆك بارزانی كر و زۆر ب سڤكاتی به‌حسێ وان هاته‌كرن، له‌وڕا مه‌ژی به‌رپرسڤا وێ په‌رله‌مانتارێ دایه و مه ئه‌و چه‌ند ب سه‌رۆكێ په‌رله‌مانی راگه‌هاندیه كو ئاخفتنێن وێ په‌رله‌مانتارێ ناهێنه قه‌بوولكرن.
ئه‌شواقێ گۆتژی” ناڤێ په‌رله‌مانتارێ نه‌هله‌یه و كه‌س و كارێن وێ ل قه‌زا زاخۆ ئاكنجینه، دده‌مێ ئاخفتنێ هێرش كره سه‌ر هێزێن پێشمه‌رگه‌ی و بڤێ چه‌ندێ تۆمه‌تباركرینه، كو دده‌مێ هاتنا ئاواره‌یان پاره ل خه‌لكی وه ر‌گرتیه.
ئه‌ڤێ ئه‌نداما پارتی خویاژیكر، په‌رله‌نتار نه‌هله داخوازكریه، دناڤا بودجه‌یێ عێراقێ دا پاره بۆ پێشمه‌رگه‌ی نه‌هێنه مه‌زاختن ژبه‌ركو پێشمه‌رگه ل كۆبانێ شه‌ڕی دكه‌ت و چو په‌یوه‌ندی ب عێراقێ ڤه نینه، هه‌روه‌سا گۆتیه دێ چاوا مه‌سعود بارزانی به‌حسێ سه‌ربخۆیێ كه‌ت.
