سۆبەهی ئێکگرتوویا ئیسلامی دێ بریارێ ل دۆر مان یان ژی ڤه‌كێشانا خۆ ژ حكومه‌تا هەرێمێ ده‌ت
ئەڤرۆ نیۆز،زنار تۆڤی:
وەسا بریاره کو سوبەهی شەمبیێ سه‌ركردایه‌تیا ئێکگرتوویا ئیسلامیا کوردستانێ كۆمببیت و د وێ کۆمبوونێدا دێ بریارێ ل سه‌ر مان یان ڤه‌كێشانێ خۆ ژ حكومه‌تا هه‌رێمێ ده‌ن.
هادی عه‌لی په‌یڤدارێ ئێکگرتوویا ئیسلامیا کوردستانێ بۆ میدیایێن حزبا خوه گۆتیە:کو سوبەهی شه‌مبیێ سه‌ركردایه‌تیا ئێکگرتوویا ئیسلامی دێ كۆمبیت و دێ دانوستاندنێ ل سه‌ر بژارده‌یا خوه ڤه‌كێشانێ ژ حكومه‌تا هەرێما کوردستانێ ده‌ت و دێ دوماهی بریارا خوه ل سه‌ر مان یان ڤه‌كێشانێ ژ حكومه‌تا هه‌رێما کوردستانێ ده‌ت.
هەروەسا دیارکریە ژی: هه‌ردو بژارده ل هه‌مبه‌ری وان د ڤه‌كرینه و هه‌ر چو بریارا د به‌رژه‌وه‌ندیا خەلکێ کوردستانێ دابیت، دێ د وێ کومبوونێدا هێته په‌سه‌ند كرن.
ئه‌ڤ بریارا ئێکگرتوویا ئیسلامی د ده‌مه‌كی دایە،کو به‌ری سێ رۆژان، كۆمه‌لا ئیسلامی و بزاڤا گۆران بریارا خوه ڤه‌كێشانێ ژ حكومه‌تا هه‌رێما کوردستانێ دایه.
