سۆدانی بۆ فەرمانگەهێن حوكمەتا ئیراقێ: ناڤێ پەكەكێ ب رێكخستییەکا قەدەغەكری بینن
ئەمیندارییا گشتییا جڤاتا وەزیرێن ئیراقێ داخواز ژ فەرمانگەهێن حوكمەتا ئیراقێ دكەت د نڤیسارێن فەرمی یێن خوەدا ناڤێ پارتییا كاركەرێن كوردستانێ (پەكەكە) وەكو رێكخستییەكا قەدەغەكری بهێتە ناڤكرن.
ئەو نڤیسارە ل رۆژا 14/7/2024 هاتییە دەركرن و دوهی سێشەمبی 23/7/2024 گەهشتییە جڤاتا نوونەرێن ئیراقێ.
ئەو نڤیسار ژ ئالیێ فەلاح عەبوودی، رێڤەبەرێ گشتیێ فەرمانگەها كاروبارێن كارگێرێ ل ئەمیندارییا گشتییا جڤاتا وەزیرێن ئیراقێ هاتییە هنارتن.
د ئەوێ نڤیسارێدا هاتییە» ئاماژە نڤیسارەكا فەرمانگەها كاروبارێن جڤاتا وەزیران و لژنەیان ل ئەمیندارییا گشتییا جڤاتا وەزیران، كو ل 28/5/2024 هاتییە دەركرن، سەرۆكێ وەزیران و فەرماندەیێ گشتیێ هێزێن چەكدار، فەرمان دایە دەمێ د نڤیسارەكێدا ناڤێ پەكەكێ دهێت بهێتە نڤیسین ( پارتییا كاركەرێن كوردستانێ یا قەدەغەكری)».
