له‌شكرێ توركی ده‌وروبه‌رێن گوندێن دێريشكێ وبێدوهێ وكێسته بوردومان دكه‌ت
ئەڤرۆ نیوز ، زنار تۆڤی:
ئه‌ڤرۆ ئێكشه‌مبى 26/8/2018 توپخانا سۆپایێ توركی ب دژوارى دەردورا گوندێ دێریشکێ و گوندێ بێدوهێ و کانیا گیزێ ل پشتا گوندێ کێستە ل ده‌ڤه‌را به‌روارى بالا بۆمبە باران كر، هەروەسا ئەو جهێ بۆمبە ڤێکەفتین ئاگرەکێ مەزن بەربوویێ.
دلشاد وەلاتیەکێ گوندێ دێریشکێ یه بۆ ئەڤرۆ نیوز دیارکر: ئەڤرۆ ل دەمژمێر 12 نیڤرۆ پەکەکێ ب چەکێ دوشک و بیکەیسیان ل وان کۆمتێن هنداڤی دێریکشێ و بێدۆهێ تەقە ل رەبیێن لەشکرێ تورکیا کرینە، د هەمان دەمدا توپخانا سۆپایێ توركی ب دژوارى ده‌ردورا هەردو گوندان تۆپ بارانکرینە و لدووڤدا فرۆکان سەرێ شارانیێ ل هنداڤی بێدۆهێ بۆمبە بارانکریە، ژ ئەنجامێ وێ تۆپ بارانێ نوكه ئاگرەکێ مەزن به‌ربوویه وێ ده‌ڤه‌را بۆمبە بارانكرى و دەڤەرەکا مەزن یا دارستانێ ژ دارێن بەری و مازی گوهیشک و کەزان و پیش و پەلەخی هاتیە سوتن.
هەروەسا ئەڤرۆ ب بەهانەیا پەکەکێ ل ڤێ دەڤەرێ تۆپخانا سۆپایێ تورکی پشتا گوندێ کێستە تۆپ بارانکریە وئاگرەکێ مەزن ژی بەربوویە وێ دەڤەرێ و ئاگر گەهشتیە سەرێ زنارا کێستە.
