سیستانی ئێکەم رۆژا رەمەزانێ کرە ئێکشەمب
ئەڤرۆ نیۆز،زنار تۆڤی:
بەرۆڤاژی سیستانی هەشت مەرجەعێن شیعەیێن عێراقێ ئەڤرۆ رۆژا شەمبیێ 27-5-2017 وەک ئێکەم رۆژا هەیڤا رەمەزانێ دیارکر.
هەر ئێک ژ بەشیر نەجەفی و موحسن حەکیم و محەممەد ئیسحاق فەییاز و محەممەد یەعقوبی و کازم حائیری و جواد خالسی و کەمال حەیدەری و فازل مالیکی مەرجەعێن شیعەیان ل عێراقێ د بەیاننامەیێن خوە دا راگەهاندیە،کو ب ئەگەرێ دیتنا هەیڤێ ل چەندین جهان رۆژا شەمبی 27-5-2017 ئێکەم رۆژا هەیڤا رەمەزانێ یە.
هەروەسا بریارا وان مەرجەعێن شیعەیان بەرۆڤاژی یا عەلی سیستانی یە،کو مەرجەعێ بلندێ شیعێن عێراقێ یە،کو وی رۆژا ئێکشەمبێ 28-5-2017 وەکی ئێکەم رۆژا هەیڤا رەمەزانێ دیارکریە.
ل ئێڤاریا رۆژا پێنجشەمبا بوری هەرێمی کوردستانێ و دیوانا وەقفا سوننەیا ل عێراقێ رۆژا شەمبی وەک ئێکەم رۆژا هەیڤا رەمەزانێ دیارکربوو.
