سیناتۆرەک: دڤێت هاریکاریا کوردان ل ئیرانێ بکەین
سیناتۆرەکێ ئەمریکی دیار دکەت، دڤێت ئەمریکا ب رەنگەکێ جدی کار بۆ گوهۆڕینا رژێما ئیرانێ بکەت، دڤێت هاریکاریا کوردێن ئیرانێ بهێتە کرن، هەروەسا گرنگە ئەمریکا هێزێن ئۆپۆزسیۆنا ئیرانێ چەکدار بکەت، چونکی ب ئێرشێن ئەسمانی و سزایێن ئابووری رژێما نها یا ئیرانێ ژناڤ ناچیت و هەتا رژێما نها ل سەر دەستهەلاتێ بیت دێ مەترسیێن گەلەک مەزن بۆ ئەمریکا دروست کەت.
تید کرۆز ئەو یەک ژی دیار کر، دەستهەلاتا نها یا ئیرانێ ب هەموو رەنگەکێ یێ بزاڤان دکەت چەکی ئەتۆمی دروست بکەت، ئەو یەک مەترسیەک مەزنە و دڤێت ئەمریکا سیاسەتا خوە یا نها ل هەمبەر ئیرانێ بگوهۆڕیت و ب هەموو رەنگەکێ هاریکاریا هێزێن ئۆپۆزسیۆنا ئیرانێ ب تایبەتی ژی یا کوردان بکەت، دڤێت کورد بهێنە چەکدار کرن و هاریکاریا وان بهێتە کرن، چونکی بێی هەبوونا ئۆپۆزسیۆنەکا چەکدار و بهێز رژێما نها یا ئیرانێ ژناڤ ناچیت و هەتا رژێما نها ژی بمینیت دێ هەردەم ئاریشەیان بۆ ئەمریکا و هەڤپەیمانێن وێ دروست کەت و دڤێت ئێدی ب کریاری کار بۆ ژناڤبرنا رژێما نها یا ئیرانێ بهێتە کرن.
