سێ بیرێن نوو ل تاوکێ ھاتنە لێدان
ئەڤرۆ نيوز:
کۆمپانیا دی ئێن ئو یا نەرویجی راگەھاند سێ بیرێن پترۆلێ یێن نوو ل زەڤیێن تاوکێ تەمام بووینە دشێن رێژەیا 10% بەرھەمئینانا پترۆلێ یا زڤیێن وێ بلند بکەن.
کۆمپانیێ بەلاڤکریە پشکەک ژ لەزکرنا پرۆگرامێ کولانانا بیرێ ل ھەیڤا تەموزێ یا ئیسال دەستپێکریە سێ بیرێن پترۆلێ یێن بەرھەم ئینانێ یێن نوو ل زەڤیێن تاوکێ ل ھەرێما کوردستانێ تەمامبووینە.
کۆمپانیێ ئەو ژەندە رۆنکریە بیرێن پترۆلا تاوکێ 31 پشتی پرۆگرامەکێ پاشتر دشیان پترۆلێ ژێ بەرھەم بینین،بیرێن پترۆلا تاوکێ 33 و تاوکێ 34 بەرھەڤن بۆ بەرھەمئینانێ ل ھەفتیا بھێت دەست ب پرۆسیسا کولانا پرێن پترۆلا چارێ ل تاوکێ 37.
کۆمپانیا ناڤبری ئەو چەندەژی دیارکر پشکەکا چالاکیێن وێ بۆ زێدەکرنا بەرھەمئینانا پترۆلێ یە ل ھەرێما کوردستانێ ، شیایە سێ بیرێن پترۆلێ ل تاوکێ 31 و تاوکێ 33 و تاوکێ 34 تەمام بکەت و ل چەند رۆژێن بھێت ژی دەست ب لێدانا بیرێن پترلا تاوکێ 37 بکەت.
بودجا لێدان و تەمامکرنا ئەوان سێ بیرێن پترۆلێ 20 ملیۆن دۆلارێن ئەمریکی بوویە و تەڤایا کارێن وێ دبیتە پالدەرەک بۆ ئەوێ چەندێ بەرھەمئینانا پترۆلا ھەرێما کوردستانێ زێدە بکەن.
دی ئێن ئو درێیا راگەھاندنەکێ دا پێشبینیا ئەوێ چەندێ دکەت کۆمپانی دەست ب وەبەرھێنانێ بۆ 135 ھەزار بەرمیلان درۆژێ دا بلند بکەت،ئەڤەژی پشتی ئەوێ چەندێ ھات کو حوکمەتا ھەرێما کوردستانێ دەست حەقێ کۆمپانیێ دایی.
دی ئێن ئوو کۆمپانیەکا نەرویجی یە بۆ پترۆل و غازێ زێدەتر ل رۆژھەلاتا ناڤین و باکورێ ئەفریکا کار دکەت، کۆمپانی ل سالا 1971 ھاتیە دامەزراندن و ل لیستا کۆمپانیێن بۆرسەیا ئوسلو دا ھاتیە دانان و پشک ھەنە ل چەندێن پرۆژێن بەرھەمئینانێ و لێگەرین و پیتەپێدانا پترۆل و غازێ ل ھەرێما کوردستانێ و یەمەن و عومان و ئیمارات و تونس و سومالێ.
زەڤیێن پترۆلا تاوکێ کو دکەڤیتە سنورێ زاخو ل پارێزگەھا دھۆکێ نھا رۆژانە 109 ھەزار بەرمیلێن پترۆلێ بەرھەم دئینیت لێ تەمامکرنا ئەڤان بیرێن پترۆلێ دبیتە پالدەرێ بلند کرنا رێژەیا بەرھەم ئینانێ.
