سێ رۆژه سوپایێ عێراقێ ل مه‌خموور نه‌گه‌هشتیه جهێ پلان بۆ داناى
ئه‌ڤرۆ نیۆز، قائید میرۆ
ئه‌ڤرۆ دبیته سێ رۆژ سوپاێ عێراقێ هێرشا خوه بۆ كۆنتڕۆلكرنا هژماره‌ك گوندێن قه‌زا مه‌خموور ده‌ستپێكریه و هه‌تا نوكه نه‌شیاینه جهێ خوه یێ هاتیه دیاركرن بگرن.
ژێده‌ره‌كی ژ هێزێن پێشمه‌رگه‌ی ب ئه‌ڤرۆ نیۆز راگه‌هاند” د هێرشا خوه‌دا سوپایێ عێراقێ یێ بزاڤان دكه‌ت پرا گه‌یاره كۆنتڕۆل بكه‌ت، به‌لێ چه‌كدارێن داعش یێ به‌ڕه‌ڤانیێ دكه‌ن و هه‌تا نوكه شه‌ڕه‌كێ گران یێ بڕێڤه‌دچیت.
ئه‌ڤی ژێده‌ری گۆتژی” هێشتا سوپایێ عێراقێ نیڤا جهێ خوه نه‌گرتیه و داعش ل گوندێ نه‌سر هه‌موو بزاڤان دكه‌ت سوپایێ عێراقێ بشكێنیت و سێ رۆژه گوندێ نه‌سر یێ ستراتیژی هاتیه دۆرپێچكرن و سوپایێ عێراقێ نه‌شیایه بچیته ناڤا گوندێ.
