سێ فراكسيۆنان هۆلا په‌رله‌مانێ كوردستانێ ب جهـ هێلا
ئه‌ڤرۆ نيوز:
هه‌ر سێ فراكسيۆنێن يه‌كگرتوو و كۆمه‌ل و بزاڤا ئيسلامى هۆلا په‌رله‌مانى ب جهـ هێلا و نه‌رازيبوونا خوه ل هه‌مبه‌ر پرۆژێ وه‌رگرتنا پێنج مليار دۆلاران وه‌كو قه‌رز ده‌ربڕى.
په‌رله‌مانتارێن ڤان فراكسيۆنان بۆ ده‌زگه‌هێن راگه‌هاندنێ ئاماژه ب وێ چه‌ندێ كر كو ژ به‌ر نه‌بوونا عه‌داله‌ت و شه‌فافيه‌تێ ئاماژه ب وێ چه‌ندێ كريه كو هندى پاره بهێته هه‌رێمێ دێ هه‌ر ب ره‌نگه‌كێ نه‌يێ دروست هێته مه‌زاختن وه‌كو يێ ژ 2003ێ وه‌ره و هه‌تا نوكه ژ به‌غدا بۆ هه‌رێمێ دهێته ره‌وانه‌كرن.
پێشتر ژى فراكسيۆنا يه‌كگرتوو د ناڤا په‌رله‌مانێ كوردستانێ دا ئه‌ڤ چه‌نده ره‌تكر بوو و د به‌ياننامه‌كێ دا داخواز كربوو كو ئه‌و ل گه‌ل ڤى پرۆژه‌يى نينن و پێدڤيه سه‌ر نه‌گريت.
په‌رله‌مانێ كوردستانێ يا به‌رده‌وامه ل سه‌ر دانوستاندنێ ل سه‌ر پرۆژێ قانوونا راكێشانا مايه‌ى د رێيا قه‌رزركرنێ ل هه‌رێما كوردستانێ كو پێنج مليار دۆلارن، پتريا په‌رله‌مانتاران ژى نوكه د هۆلا په‌رله‌مانى ڤه نه و دانوستاندنێ ل سه‌ر پرۆژێ قانوونێ دكه‌ن و ژ به‌ر هندێ ژى ئه‌ڤ هه‌رسێ لايه‌نێن سياسى داخوازێ ژ سه‌رۆكێ هه‌رێما كوردستانێ دكه‌ن كو ڤى پرۆژه‌يى په‌سه‌ند نه‌كه‌ت ب به‌هانه‌يا وێ چه‌ندێ كو گه‌له‌ك كێموكاسى تێدانه و دژى شه‌ريعه‌تێ ئيسلامێ يه.
