سێ كه‌سان گيانێ خوه ژ ده‌ست دا
ئه‌ڤرۆ نيوز:
به‌رپرسێ په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ راگه‌هاند كو ژ ئه‌نجامێ وه‌رگه‌ريانا ترۆمبێله‌كێ ل نێزيك كه‌مپا ئيسيا سێ كه‌سان گيانێ خوه ژ ده‌ست دا.
رائيدێ مافپه‌روه‌ر ئازاد تاها به‌رپرسێ په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “دوهى رۆژا شه مبى رێكه‌فتى 13ى گۆلانا 2017ێ ل ده‌مژمێر 2:00ى پشتى نيڤرۆ ل سه‌ر جادا د ناڤبه‌را شێخان بۆ ناحيا باعه‌درێ ل نێزيك كه‌مپا ئيسيان يا ئاواران ترۆمبێله‌كا تايبه‌ت ئۆپل ئۆمێگا ستێشن وه‌رگه‌ريا”.
رائيدێ مافپه‌روه‌ر زێده‌تر گۆت: “ترۆمبێل ژ بن كونترۆلا شوفێرى ده‌ركه‌فتيه و د ئه‌نجامێ وێ چه‌ندێ دا سێ كه‌سان گيانێ خوه ژ ده‌ست دايه و زيانێن ماددى يێن مه‌زن ژى گه‌هشتينێ”.
