سێ كه‌سان گیانێ خوه ژ ده‌ست دا و دو بریندار بوون
ئه‌ڤرۆ نیوز ، نه‌وزاد هلۆرى:
ئه‌ڤرۆ به‌رى نیڤرو ژ ئه‌نجامێ روودانه‌كا هاتن و چوونێ ل سنوورێ قه‌زا به‌رده‌ره‌ش پێن كه‌س بونه قوربانى كو ژ وانان سى َكه‌سان گیانى َخوه ژ ده‌ست دا.
دڤى واریدا كومیسه‌ر حازم محه‌مه‌د ژ هاتن و چوونا به‌رده‌ره‌ش بو ئه‌ڤرۆ نیوز گۆت: ( ئه‌ڤرۆ به‌رى نیڤرو ژ ئه‌نجامێ روودانه‌كا هاتن و چوونێ دناڤبه‌را دوو ترومبێلان دناڤبه‌را ناحیا كه‌له‌ك و قه‌زا به‌رده‌ره‌ش ، سێ كه‌سان گیانى َخوه ژ ده‌ست دا و دوو كه‌س ژى برینداربوون ، و دوو ژ وان كه‌سێن كو گیانى َخوه ژ ده‌ستدایى ئافره‌ت بوون).
زێده‌تر گۆت: (پولیسێن هاتن و چوونێ ڤه‌كولینێ لسه‌ر روودانێ دكه‌ن و هوركاریێن روودانێ پاشى دێ هێنه راگه‌هاندن).
ل گوره‌ى زانیاریێن ئه‌ڤرۆ نیوز ئه‌و كه‌سێن كو گیانێ خوه ژ داست دایى بناڤێ ” شەیما عەباس ، عالیا سەرحان و فەرمان محسن عەبدوللا ” و بریندار ژى ب ناڤێن ” محه‌مه‌د محسن عەبدوللا ، میعاد محسن عەبدوللا “بوون.
