سێ پانزینخانە ھاتنە داخستن
ئه‌ڤرۆ نيوز:
سەرپەرشتێ پانزینخانێن قەزا شێخان دیار کر کو دوھی 7ی تەباخێ ل دووڤ راپۆرتا پشکنینێ یا ھۆبا کونترۆلا جوری سەر ب رێڤەبەریا نەفت و کانزایان ل پارێزگەھا دھۆک ئەنجام دەرکەفتیە کو پانزینا وان نە ل دووڤ سالوخەتێن وەزارەتا سامانێن سرۆشتی یە، ژ لایێ وەزارەتێ و قائیمقامیا قەزا شێخان بڕیار ھاتە دان پانزینخانا “ئارێز” ل سەر رێیا سەرەکیا شێخان بھێتە داخستن بۆ ماوێ پێنج رۆژان و لافیتەیەک ژی بھێتە ھەلاویستن ئەگەرێن داخستنا وێ تێدا ھاتبنە دیارکرن.
نەشوان ئەحمەد، سەرپەرشتێ پانزینخانێن قەزا شێخان بۆ رۆژناما ئەڤرۆ دیار کر کو ل دووڤ بڕیارا رێڤەبەریێ ب کوژمێ دو ملیۆن دینارێن عیراقی ھاتینە سزادان دا ئەڤ پانزینخانە پێگیر بیت ب رێنمایێن وەزارەتا سامانێن سرۆشتی، پانزینێ ب کوالێتیا خراب ب کارنەئینیت بۆ فروتنێ.
ناڤھاتی خویاکر کو ئەڤە پانزینخانا سیێ یە ل سنورێ قەزا شێخان دھێتە سزادان، ھەیڤا بوری ژی ل دووڤ بڕیارا وەزارەتا سامانێن سرۆشتی دو پانزینخانە ھاتنە داخستن ئێک ژ وان ب کوژمێ دو ملیۆن دینارێن عیراقی ھاتە سزادان.
