سێ پێشمەرگێن زاخۆی هاتنە دیتن
ئەڤرۆ نیوز، عەلی حاجی:
پشتی کو دو رۆژێن بوری سێ پێشمەرگێن زاخۆ کو سەر ب هێزا زێرەڤانی کار دکەن ل هەولێرێ زڤری و چارەنڤیسێ وان نەدیاربووی، ئەڤرۆ هەر سێ هاتنە ئاشکراکرن کو ژ لایێ حەشد شەعبی ڤە هاتینە گرتن.
هاشم مەحمود، بابێ ئێک ژ وان پێشمەرگەیان بۆ ئەڤرۆ نیوز گۆت: (دوهی پشتی کورێ من و دو هەڤالێن خوە ل دەوامێ ل هەولێرێ زڤرین بو زاخۆ، پاشان چارەنڤیسێ وان نەدیاربووی، ئەڤرۆ هاتنە ئاشکراکرن کو ژڵایێ حەشد شەعبی هاتینە گرتن).
زێدەتر گوت: (کورێ من و هەر دو پێشمەرگێن دی، ب شەڤ ل هەولێر دزڤرین، بەلێ ژبەر نە شارەزایێ رێیا خوە خەلەت کر و چووینە مووسل، ل مووسل کەفتینە دەستێ حەشدا شەعبی، ئەم یێ بزاڤێ دکەین ل گەل جهەتێن بلند یێن هێزێن پێشمەگەی کو هەر سێ پێشمەرگە ب سڵامەتی بزڤرنە مالێن خوە).
