سێ پێشمەرگە د بەرزەنە
ئەڤرۆ نیوز، عەلی حاجی :
پشتی ڤەگەریانێ ژ دەواما خوە یا پێشمەرگایەتی ، ژ ھەولێرێ بۆ باژێرێ زاخۆ، دوھی روژا سێ شەمبێ ژ دەمژمێر ١٠ی سپێدێ ھەتا نوکە سێ پێشمەرگە بەزرە بوینە و نەھاتینە دیتن و کەس و کارێن وان چو پێزانینەکێ دەربارەی وان پێشمەرگەیان نوزانن.
ھاشم مەحمود دبیتە بابێ پێشمەرگەیەکێ بەرزە بویی بۆ ئەڤرۆ نیوز دیار کر پشتی دوھی ل دەمژمێر ١٠ی سپێدێ کورێ من بناڤێ مللەت ھامشم ژدەواما خوە یا فەرمی ل ھێزێن زێرەڤانی دگەل ھەڤالێن خوەێن پێشمەرگە ب رێیا پیک ئاپەکێ ژ ھەولێرێ بۆ باژێرێ زاخۆ ب مەرەما ڤەگەریانێ قەستا مالێ خوە بکەن،نێزیکی دەمژمێر ١١ی ھەتا دەمژمێر ١٢ی نیڤرۆ مە بەردەوام تەلەفونا کورێ خوە دکر،چو بەرسڤەک نەدا،پشتی وی دەمی ھەتا نوکە ژمارا موبایلا وی یا گرتی یە و ئەم تشتەکێ ژێ نوزانین،کورێ من یێ خێزاندارە و زاروویەک ھەیە،مە پەیوەندی ژی ب فەرماندەیێن وی ژی کرینە،بو مە دیار دکەن،ب مەرەما بھێن ڤەدانێ مە کورێ ھەوە ڤرێکری یە مالێ،ھەر دیسان دو پێشمەرگەێن دیتر دگەل کورێ منن کو دبنە جیرانێ مە،ھەتا نوکە ئەو ژی نەڤەگەریاینە و کەس و کارێن وان ژی چو تشتەکێ ژێ نوزانن.
گوت ژی : ئەم داخاز دکەین ھەر کەسەکێ پێزانینەک دەربارەی کورێ مە ھەبیت بلا مە ئاگەھدار بکەت و مە چو نەخوەشیەک دگەل چو کەسەکێ نینە و کورێ مە یێ بێ کێشە بویە و کەسەکێ ئارام بوو دناڤ مالێ دا .
