سەركەفتنا هەلبژارتنێن پەرلەمانی دەستكەفتەكێ مەزنە بۆ هەرێما كوردستانێ
سەرۆك مەسعود بارزانی، ل سەلاحەدین پێشوازی ل ئیلبرۆس كوتراشێڤ، بالیۆزێ رووسیا ل ئیراقێ كر.
بارەگەهێ بارزانی د بەیاننامەیەكێ دا بەلاڤكر» بالیۆزێ رووسا پیرۆزباهییا سەركەفتنا هەلبژارتنێن پەرلەمانێ كوردستانێ ل سەرۆك بارزانی كر و ئاماژە ب وێ چەندێ كر ئەنجامدانا سەركەفتیانەیا هەلبژارتنێن پەرلەمانێ كوردستانێ د سەقایەكێ ئارام دا و ب پشكدارییا رێژەیەكا بەرچاڤ ژ خەلكێ كوردستانێ، دەستكەفتەكا مەزنە بۆ هەرێما كوردستانێ».
بارەگەهێ بارزانی بەلاڤكر ژی» د پشكەكا دی یا وێ دیدارێدا كو مەكسیم روبین، قونسلێ گشتیێ رووسیا ل هەولێرێ د وێ دیدارێ دا بەرهەڤبووی، باس ل پێنگاڤێن دناڤ پڕۆسەیا سیاسییا هەرێما كوردستانێ دا و پێكئینانا كابینەیا نوو یا حوكمەتا هەرێما كوردستانێ هاتە كرن».
د بەیاننامەیا بارەگەهێ بارزانی دا هاتیە ژی» پەیوەندیێن د ناڤبەرا حوكمەتا هەرێما كوردستانێ و حوكمەتا ئیراقا فیدرال و پێشهات و گوهۆڕینێن دەڤەرێ و مەترسیێن دیاربوونا تیرۆرێ تەوەرێن دی یێ دێدارێ بوون».
