سەرکردەکێ ئێکگرتوو: بۆ وەرگرتنا پۆستێن دھۆک و ھەولێرێ چاڤەڕێی پارتی نە
ئەڤرۆ نیۆز، قائید میرۆ:
سەرکردەیەکێ ئێکگرتوویا ئیسلامی دیارکر كو ئەو چاڤەڕێی بەرسیڤا پارتی دکەن بۆ پشکداریکرن د ئیدارەیێن خۆجھێن دھۆک و ھەولێرێ دا.
ئەبۆ بەکر ھەلەدنی، ئەندامێ مەکتەبا سیاسیا ئێکگرتوویا ئیسلامی کوردستان بۆ ئەڤرۆ نیۆز گۆت: “ئێکگرتوویا ئیسلامیا کوردستانێ ب 17 پۆستان پشکداری د حوکمەتا خۆجھيا سلێمانیێ دا کریە و دەمەکێ نێزیک دێ بەرپرسێن ئێکگرتوو ل سلێمانیێ دەستبکار بن”.
ھەلەدنی گۆتژی: “ئەم ل دھۆک و ھەولێرێ چاڤەڕێ بەرسیڤا برادەرێن پارتی نە بۆ پشکداریکرنێ د حوکمەتێن خۆجھێن ھەردو پارێزگەھان ب ئەگەرێ ئەڤی شەڕێ داعش رێکەفتنا مە د گەل پارتی گیرۆ بوویە، بەلێ دڤێت برادەرێن پارتی لەزێ بکەت بۆ بەلافکرنا پۆستێن پارێزگەھێن دھۆک و ھەولێرێ”.