سەرکردەکێ سەدری: نۆری مالکی بزاڤا ژ ناڤبرنا پەیوەندیێن بارزانی و عەبادی دکەت
ئه‌ڤرۆ نيوز:
ل گۆڕ دەنگۆباسێ مالپەرێ ئەسیاسی یێ کوێتی، پشتی نوری مالکی دداخوەیانیکەکا رۆژنامەڤانی سەرۆک وەزیرێن عیراقێ حەیدەر عەبادی ب کەسەکێ لاواز سالۆخەتکری و ھوشداری سەبارەت ڤەکێشانا ھێزێن پێشمەرگەی ژ دەڤەرێن مووسلێ داین، سەرکردەکێ باسکێ سەدری دڤی بیاڤی ب توندی ھوشداری ب بزاڤێن پێلانگێریا مالکی دان.
سەرکردێ باسکێ سەدری کو ژئالیێ موقتەدا سەدری ڤە دھێتە برێڤەبرن گۆت: نوکە ھەماھەنگیەکا باش دناڤبەرا لەشکرێ عیراقێ ب سەرۆکاتیا حەیدەر عەبادی و ھێزێن پێشمەرگەی ب سەرۆکاتیا مەسعود بارزانی د رووب رووبوونا داعشێ دا ھەیە، بەلێ نوری مالکی بزاڤان دکەت ئەو ھەماھەنگی یا دناڤبەرا ھەردو ئالیلان دا بھێتە ھەلوەشاندەن و نەمینیت.
سەرکردێ باسکێ سەدری ھەروەسا دیارکر، ھەلویستێ نوری مالکی بەرانبەری ئۆپراسیۆنا لەشکری ل مووسل و لاوازیا حەیدەر عەبادی و دژاتیا بارزانی ئاماژەنە بۆ ھندێ کو نوری مالکی دڤێت پۆپراسیۆنا لەشکری یا رزگارکرنا مووسلێ شکەستنێ بئینیت، ھەروەسا ئاماژە دا کو نوری مالکی و ئیئتیلافا قانوونی بوینە رێگر ل ھەمبەری دابینکرنا پشکا پێشمەرگەی ژ بودجا سالا نوویا عیراقێ و ئەڤە ژی بۆ چەندین مەرەمێن سیاسی ڤەدگەریت، ژوان مەرەما کوورکرنا کێشان دناڤبەرا بەغدا و ھولێرێ دا.
