سەرۆكایەتیا هەرێما كوردستانێ داخواز دكەت كۆمسیۆنا ئیراقێ سەرپەرشتیا هەلبژارتنێن پەرلەمانێ كوردستانێ بكەت

د نڤیسارەكا فەرمی دا ب ئیمزایا سەرۆكێ دیوانا سەرۆكایەتیا هەرێما كوردستانێ كو هاتیە ئاراستەكرن بۆ كۆمسیۆنا بلند یا سەربخوە یا هەلبژارتنان ل ئیراقێ و دانەیەك ژی بۆ ئالیێن پەیوەندیدار هاتیە دان، سەرۆكایەتیا هەرێما كوردستانێ داخوازكریە كۆمسیۆنا ئیراقێ بەرهەڤیێ نیشان بدەت بۆ سەرپەرشتیكرنا هەلبژارتنێن پەرلەمانێ كوردستانێ.
د نڤیسارا سەرۆكایەتیا هەرێما كوردستانێ دا ئاماژە ب وێ چەندێ هاتیە كرن كو ب گۆرەی فەرمانا هەرێمێ هەژمار 90 ل 26/3/2023 بڕیار هاتیە دان هەلبژارتنێن پەرلەمانێ كوردستانێ ل ڕۆژا 18/11/2023 بهێنە ئەنجامدان، بۆ وێ مەبەستێ ژی داخواز كریە كۆمسیۆنا بلند یا سەربخوە یا هەلبژارتنان ل ئیراقێ بەرهەڤیێ نیشان بدەت بۆ سەرپەرشتیكرنا هەلبژارتنان ل ژڤانێ دیاریكری، یان ژی ل گەل هەلبژارتنێن جڤاتێن پارێزگەهێن ئیراقێ ل 18/12/2023.

کۆمێنتا تە