سەرۆكێ حوكمەتێ بەرێ بنیاتی بۆ مەزنترین دو پارك ل دهۆكێ و جۆتسایدێ شێخان دانان
ئەمیر ئەترووشی
دوهی رۆژا دووشەمبی 3/6/2024، مەسروور بارزانی سەرۆكێ حوكمەتا هەرێما كوردستانێ ب كوژمێ 131 ملیار و 898 ملیۆن دیناران بەرێ بنیاتی بۆ هەردوو پاركێن ئالوكا و سەرهلدان ل پارێزگەها دهۆكێ دانا. هەروەسا بەرێ بنیاتی بۆ جۆتسایدێ باعەدرێ دانا و ب تنێ 26 كیلۆمەترێن ئێك ساید ژ ڕێیا دناڤبەرا دهۆك و هەولێرێدا ماینە و دێ رێیا دهۆك بۆ هەولێر ب تمامی بیتە جوتساید.
مەسروور بارزانی، سەرۆكێ حوكمەتا هەرێما كوردستانێ د رێورەسمێ دانانا بەرێ بنیاتی دا گۆتارەك پێشكێشكر و راگەهاند، هەر دو پاركان گرنگییا خۆ هەیە و دێ خزمەتەكا باش یا دەڤەرێ و ئاكنجیێن پارێزگەهێ كەن و گۆت: هێشتا كەسكاتی ل هەرێما كوردستانێ ل ئاستێ پێدڤی و ستاندارتێن نێڤدەولەتی نینە، ل دەمەكی دهۆك ژ روویێ كەسكاتیێ ڤە ژ ناوچەیێن دی باشترە، لێ هێشتا پێدڤی ب رووبەرەكێ مەزنتر یێ كەسكاتیێ یە.
د ڕێوڕەسما دانانا بەرێ بنیاتێ هەردوو پاركا، سەرۆكێ حكوومەتێ گۆتارەك پێشكێش كر و ڕاگەهاند: «ئەس گەلەك خۆشحاڵم كۆ جارەكا دی ئەم ل ڤێرە ل دهۆكێنە بۆ دانانا بەرێ بنیاتێ چەند پرۆژەكا، ژ وان ژی هەردوو پاركێن ئالۆكا و بەرۆشكێ.»
سەرۆكێ حكوومەتا هەرێما كوردستانێ ئاماژە ب وێ ژی دا: «ئەڤ دوو پاركێن ناڤ دهۆكێ ژ چەندین خزمەتگوزاریێن گرنگ پێكدهێن و خزمەتەكا باش دێ گەهیننە رۆنشتڤانێن دهۆكێ، ژبەركۆ ڕووبەرێ ڤان پاركا گەلەك بەرفرەنە، هیڤیدارم ئەڤ پاركە ببنە جهەكێ باش بۆ دەربازكرنا دەمەكێ خۆش.
هەروەسا ب تمامبوونا ڤان پاركا، دیمەنەكێ جوانتر بدەتە دهۆكا رەنگین و كاریگەری ل سەر هەوایێ ناڤ دهۆكێ هەبیت.»
سەرۆكێ حوكمەتێ زێدەتر دبێژیت: ناوچەیا مە دێ كەڤیتە بەر سەختییا كارتێكرنێن سەقایی و ژبەر ڤێ یەكێ حوكمەتا هەرێمێ هندەك گرتینە بەر بۆ بەرهگناربوونا دیاردەیا گەرمبوونا ئەردی و سەقایی، ئەڤ یەك ژی بۆ كۆنترۆلكرن و بكارئینانا وێ گازا ژ كێلگەهێن پەترۆلێ دەردچیت، دروستكرنا هندەك پۆند و بەنداڤان و كاركرن بۆ ڤەژاندنا دارستانێن هەرێمێ و پێدڤییە رێكارێن باشتر بهێنە هاڤێتن و فەرهنگا ژینگەهپارێزیێ ژی بهێتە بهێزكرن.
هەروەسا بەحس ل ناڤەڕۆكا سەرەدانا خۆ یا بەغدایێ كر و دا زانین ب ئاشكرای مە دانوستاندن ل سەر چارەكرنا هەردەمی بۆ كێشەیێن هەلاویستی د ناڤبەرا هەر دو حوكمەتان دا كریە.
هەروەسا دیاركر، وی گۆتیە بەرپرسێن بەغدایێ دل تەنگین ل جهێ تا نوكە دانوستاندنێ ل سەر مووچەی و قەیرانێن هەلاویسی دكەین، بەلكو مە بەرنامە بۆ پێشخستنا ئیراق و هەرێما كوردستانێ دانابا و ركابەری ل گەل وەلاتێن كەنداڤی و یێن دی یێن جیهانێ كربا.
سەرۆكوەزیران بارزانی د رێورەسمێن دانانا بەرێ بنیاتی بۆ پرۆژەیێن ئالۆكا و باعەدرێ گۆت ژی: مووچە مافەكێ سرۆشتیە و پێدڤیە نەبیتە بابەتی نووچەی بۆ ڕاگەهاندنێ.
سەرۆكوەزیران بارزانی گوت: ل حەفتیا بووری وان سەرەدانا بەغدا بۆ چارەسەركرنا بنەرەتیا ئاریشەیێن دناڤبەرا هەرێما كوردستانێ و حكومەتا فیدرالی دا كر، و دگەل سەرۆكوەزیرێن حكومەتا فیدرال و بەرپرسێن دی یێن حكومەتێ و لایەنێن حزبی یێن عیراقێ كۆمبوو.
مەسروور بارزانی ل دوماهییا گۆتارا خۆ ئاشكراكر، وەلاتێ مە گەلەك دەولەمەندە و ب تنێ ئیدارەیەكا باشتر مە پێدڤیە تا بشێن بگەهینە ئاستێ وەلاتێن پێشكەفتی ل جیهانێ و هیڤیخواست هەموو ئالییەك ركابەریێ بكەت بۆ خزمەتكرنا وەلاتییان و ئاڤەدانكرنا وەلاتی.
زانیاری ل دوور مەزنترن پاركا ئالۆكا ل ئیراقێ؟
كۆژمێ پارەی 126،060،645،000 دینار وەكو تێچوویا پاركێ هاتینە دیاركرن
ڕووبەرێ پاركێ ل قوناغا ئێكێ 660 دونەمن
رێژا كەسكاتیێ 80٪
ژمارا دارێن دێ هێنە چاندن 365،000
پرۆژە پێكهاتیە ژ :
كەسكاتی و داران
پارك بۆ ڕاوەستاندنا ترومبێلان
رێكێن پیادە
ئاڤاهیێن خزمەتگۆزاری (خارنگەهـ، كافیتیریا، كشك، شكەفت و شانۆیا ڕۆمانی)
