سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
دوهی دوشەمبی 9/9/2024، مەسرور بارزانی، سەرۆكێ حوكمەتا هەرێما كوردستانێ، پێشوازی ل نەسیر مەمەدۆڤ، بالیۆزێ كۆمارا ئازەربایجانێ ل ئیراقی كر,
ب گۆڕەی بەیاننامەیەكا حوكمەتا هەرێما كوردستانێ، د كۆومبوونەكێدا» بالیۆزێ ئازەربایجانێ، سلاڤ و رێزێن سەرۆك كۆمارێ ئازەربایجانێ گەهاندنە سەرۆكێ حوكمەتا هەرێما كوردستانێ و بۆ گۆپیتكا جیهانییا سەقای (COP29) ڤەخواند، كو بڕیارە ل مەها نۆڤێنبەرا ئەڤسالە ل باكۆ پایتەختا ئازەربایجانێ بهێتە گرێدان».
د دیدارەكێدا وەكو د بەیاننامەیا حوكمەتا هەرێما كوردستانێدا هاتی» دانوستاندن ل دۆر پێشڤەبرنا پەیوەندیێن دو ئالی د بوارێن جۆراوجۆر دا هاتە كرن و پێنگاڤێن ڤەكرنا قۆنسلخانەیا گشتییا ئەوی وەلاتی و دەستپێكرنا گەشتێن راستەوخوەیێن ئەسمانی د ناڤبەرا باكۆ و هەولێرێ دا هاتە باسكرن».
ئاماژە ب ئەوێ چەندێ ژی هاتە كرن، سەرۆكێ حوكمەتا هەرێما كوردستانێ خواستا هەرێما كوردستانێ بۆ ب هێزكرنا پەیوەندییان ل گەل كۆمارا ئازەربایجانێ دوپاتكر.
