سەرۆكێ حوكمەتا هەرێمێ پێشوازی ل وەزیرێ بازرگانییا ئیراقێ كر
مەسرور بارزانی، سەرۆكێ حوكمەتا هەرێما كوردستانێ، پێشوازی ل ئەسیر داود ئەلغرێری، وەزیرێ بازرگانییا ئیراقا فیدرال كر. د دیدارەكێدا دوپاتی ل گرنگییا پێشڤەبرنا هاریكاریێ د ناڤبەرا دەزگەهێن هەرێما كوردستانێ و حوكمەتا فیدرال هاتە كرن. هەردو ئالی د هەڤڕا بوون ل سەر پێدڤییا ب هێزكرنا هەماهەنگیێ د ناڤبەرا هەردو حوكمەتاندا ب تایبەتی د بوارێ بازرگانی و گەشەپێدانا ئابووریدا ل گەل بەرچاڤ وەرگرتن و رێزگرتنێ ل قەوارەیێ دستووریێ هەرێمێ.
بەرهەڤیێن ئەنجامدان كۆمبوونا جڤاتا ئابووری یا وەزاری یا ئیراقێ كو بڕیارا ب مەبەستا چارەسەركرنا دۆسێ و كێشەیێن هەلاویستی یێن هەردو ئالییان ل ئەڤان رۆژان ل هەولێرێ بهێتە كرن، تەوەرەكێ دی یێ دانوستاندنان بوو.
