سەرۆكێ دەستەیا وەبەرهێنانێ دێ پشكداریێ د دیدارا وەبەرهێنانا جیهانی دا كەت
سەرۆكێ دەستەیا وەبەرهێنانێ ل هەرێما كوردستانێ دیار كر، ل مەها گۆلانا ئەڤ سالە ل وەلاتێ ئیماراتێ ئەو وەكو دەستەیا وەبەرهێنانێ دێ پشكداریێ د دیدارا سالانە یا وەبەرهێنانا جیهانی دا كەن.
د. محەمەد شوكری، سەرۆكێ دەستەیا وەبەرهێنانێ بۆ رۆژناما ئەڤرۆ گۆت: «ل حەفتیا دویێ ژ مەها گولانێ ل ئەبوزەبی ئەم دێ پشكداریێ د دیدارا سالانە یا وەبەرهێنانا جیهانی دا كەین، كو پڕانیا سازیێن فەرمی یێن وەبەرهێنانێ یێن وەلاتان دێ تێدا پشكدار بن، دەستەیا وەبەرهێنانا هەرێما كوردستانێ وەكو ئەندامەك د رێكخراوا وەبەرهێنانا جیهانی دا بۆ جارا ئێكێ دێ پشكدار بیت و دێ رۆل د وێ دیدارێ دا هەبیت».
د. محەمەد شوكری خویا كر، د وێ دیدارێ دا گۆتارەكا تایبەت یا دەستەیا وەبەرهێنانێ دێ هێتە خواندن و تایبەتمەندیێن وەبەرهێنانێ ل هەرێما كوردستانێ دێ هێنە بەرچاڤكرن، د سێ ڕۆژان دا شاندێ كوردستانێ دێ كاری بۆ ناساندنا پێشڤەبرنا هەرێما كوردستانێ ب مەرەما هاتنا یتر یا وەبەرهێنەرێن بیانی بۆ هەرێما كوردستانێ كەت.
