سەرۆكێ هەرێما كوردستانێ دوپاتیێ ل مافێن پێكهاتەیان دكەت
دوهی سێشەمبی 24/10/2023 نێچیرڤان بارزانی، سەرۆكێ هەرێما كوردستانێ، پێشوازی ل ئایدن مەعرووف، وەیزرێ كاروبارێن پێكهاتەیان ل حوكمەتا هەرێما كوردستانێ كر.
د دیدارەكێ دا هەردو ئالیان باس ل ڕەوشا پێكهاتەیان و مافێن وان ل هەرێما كوردستانێ كر، سەبارەت ڤێ چەندێ ئایدن مەعرووف پۆختەیەك دەربارەی چەند ئالیەكێن پەیوەندیدار ب ڕەوشا پێكهاتەیێن نەتەوەیی و ئایینی و بەرهەڤی و ڕۆلێ وان د ژیانا سیاسی و كارگێری یا وەلاتێ دا، بەرچاڤكر.
ژ ئالیێ خوەڤە نێچیرڤان بارزانی، سەرەرای ئاماژەدان ب پێدڤیا پاراستنا مافێن پێكهاتەیان و بەرفرەهكرنا و پێشڤەبرنا بەردەوام ب كەلتوورێ پێكڤەژیانێ و هەڤدوقەبوولكرنێ و لێبۆرینێ، دوپاتی ل وێ چەندێ كر كو هەرێما كوردستانێ بەردەوام ب وەلاتێ هەموویان و ئالیەكێ ئارام بۆ هەموو پێكهاتەیێن ئایینی و نەتەوەیی دێ مینیت و ب هەموو شێوەیەكی دێ موزاییكا ئایین و نەتەوەیان پارێزیت.
