سەرۆكێ هەرێما كوردستانێ د سالڤەگەرا وەغەركرنا مام جەلالی دا دوپاتیێ ل ئێكڕێزیێ و تێكگەهشتنێ دكەین
سەرۆكێ هەرێما كوردستانێ د سالڤەگەرا وەغەركرنا مام جەلالی دا دوپاتی ل ئێكڕێزیێ، تێكگەهەشتنێ و چارەسەركرنا كێشەیان و پاراستنا بەرژەوەندیێن گشتی دكەت.
دوهی سێشەمبی 3/10/2023، نێچیرڤان بارزانی، سەرۆكێ هەرێما كوردستانێ د پەیامەكێ دا د سالڤەگەرا وەغەركرنا مام جەلالی گوت» د سالڤەگەرا وەغەركرنا رەحمەتی سەرۆك مام جەلالی دا ب ڕێز و پێزانین ل خەبات و تێكۆشانا وی دا ژ پێخەمەت ئازادی و مافێن گەلێ كوردستانێ و ئیراقێ دنێرین».
سەرۆكێ هەرێما كوردستانێ گوت ژی» ب ڤێ هەلكەفتێ دوپاتیێ ل ئێكڕێزیێ و تێكگەهشتنێ و تەبایێ وچارەسەركرنا كێشەیان و پاراستنا بەرژەوەندیێن گشتی دكەین كو ئارمانج و خواستا سەرۆك مام جەلالی ژی بوو».
