سەرۆكێ هەرێمێ و سەرۆك كۆمارێ توركیا ل ئەنتالیا كۆمبوون
د چارچۆڤەیێ پشكداریكرنا وان د كۆڕبەندێ دیپلۆماسیێ ئەنتالیا دا، نێچیرڤان بارزانی، سەرۆكێ هەرێما كوردستانێ ل گەل رەجەب تەیب ئەردۆگان، سەرۆك كۆمارێ توركیا كۆمبوو و تێدا پێشڤەبرنا پەیوەندییان و هاریكارییا هەڤپشك یا توركیا ل گەل ئیراقێ و هەرێمێ ب تایبەتی د بوارێ بازرگانی و ئابۆریدا، هەروەسا رەوشا سیاسی و ئەمنی ل ئیراقێ و هەرێمێ هاتە باسكرن. هەردو ئالییان باس ل ئەگەر و ئەنجامێن رەوشا ئالۆز یا دەڤەرێ و پێشهاتێن شەڕی ل غەزە. هەروەسا دوپاتی دوپاتی ل گرنگییا هاریكارییا هەمەئالییانە بۆ چارەسەركرنا ئاشتییانە یا كێشەیان ب دانوستاندنێ و رێكێن دیپلۆماسی كر. مەترسیێن تیرۆرێ و چەند پرسێن جهێ گرنگییا هەڤپشك، تەوەرەكێ دی یێ كۆمبوونێ بوون.
