سەرۆكێ هەرێمێ پیرۆزباهیێ ل سەرۆكێ ئازەربایجانێ دكەت
نێچیرڤان بارزانی، سەرۆكێ هەرێما كوردستانێ د پەیوەندییەكا تەلەفۆنی دا، پیرۆزباهی ل ئیلهام ئەلییەڤ ، سەرۆكێ كۆمارا ئازەربایجانێ كر ب هەلكەفتا جارەكادی هەلبژارتنا ئەوی وەكو سەرۆكێ وەلاتێ ئازەربایجانێ.
نێچیرڤان بارزانی هیڤییا سەركەفتنێ بۆ ئەلییەڤی و پێشكەفتنا بەردەوام بۆ وەلاتێ وی خواست و دوپاتكر كو هەرێما كوردستانێ دخوازیت پەیوەندیێن وێ ل گەل ئازەربایجانێ وهاریكارییا هەڤپشك د ناڤبەرا هەرێمێ و ئازەربایجانێ بەر ب پێشڤە بچیت، ژ ئالیێ خوەڤە سەرۆكێ ئازەربایجانێ سوپاسیا سەرۆكێ هەرێما كوردستانێ كر و خواستا وەلاتێ خوە بۆ پێشڤەبرنا پەیوەندییان ل گەل ئیراقێ و هەرێما كوردستانێ دوپاتكر، هەروەسا هەردو ئالییان باس ل دوماهی دیدارا د ناڤبەرا ئەوان دا ل باكو پایتەختنا ئازەربایجانێ كر.
