سەرۆك بارزانی: سەركەفتنا پڕۆسەیا هەلبژارتنان سەركەفتنا گەلێ كوردستانێ یە
سەرۆك مەسعود بارزانی ب هەلكەغتا ب دوماهی هاتنا هەلبژارتنێن پەرلەمانێ كوردستانێ پەیامەك بەلاڤكر و تێدا دەستخوەشی ل كۆمسیۆنێ كر و گۆت» هیڤیدارم ئەڤ هەلبژارتنە و ئەنجامێن وان هیڤییەكا نوو و قۆناغەكا نوو ب دەستڤەبینن كو د بەرژەوەندییا هەموو خەلكێ كوردستانێ دا بیت».
سەرۆك بارزانی سەركەفتنا پڕۆسەیا هەلبژارتنان ب سەركەفتنا گەلێ كوردستانێ هەژمارت وگۆت» ب پشتڕاستیڤە سەركەفتنا ڤێ پڕۆسەیێ سەركەفتنا گەلێ كوردستانێیە ب هەموو پێكهاتە و ئالیێن سیاسی ڤە. ب ڤێ هەلكەفتێ سوپاسی و پیرۆزباهییا خوە ئاراستەی گەلێ كوردستانێ و جەماوەر و ئەندام و لایەنگرێن پارتی دیموكراتی كوردستان و هەروەسا هەموو ئالیێن سیاسی دكەم».
سەرۆك بارزانی هەڤدەم، هیڤی خواست، ئەو هەلبژارتن و ئەنجامێن وێ «هیڤییەكا نوو و قۆناغەكا نوو ب دەستڤەبینن كو د بەرژەوەندییا هەموو خەلكێ كوردستانێدا بیت».
